Guntinga ang habol

Dear DJ Jacky G,

Akong anak nga babaye ba, mo-high school na. Ang problema, dili makatulog og di magtakin aning habol niya’ng karaan na kaayo!  Busloton na, unya puwerte na’ng laguma!  Unya adto na ra ba ni siya mo-eskuwela sa lungsod sunod tuig. Mauwaw siya modala aning habol niya’ng bulingit.  Kausa, gisuwayan namo og tago ang habol. Naluoy ko kay wa g’yud taw’n siya katulog. Unsaon man ni nako Jacky? - Mama D.

Dear Mama D,

Ka-relate g’yud ko kay ingon ana pud ang akong anak. Napaundang na namo siya og takin sa iyang habol mga three years ago. Mao na’y gitawag og “security blanket.” Kids get attached to things from when they were little. Ug sama sa ubang butang, lisud g’yud na sa sinugdanan. Hinay-hinayi lang Mama D. Guntinga ang habol. First week, ipagamit niya ang katunga. Sunod, guntinga na pud para mas mugamay. Hangtud mogamay na g’yud ni kaayo.  Pag-abot sa time nga mura na lang og panyo kadak-a ang habol, wa ra abti og buwan, wa na mangita ang akong anak. Slowly but surely and effective nga paagi for her to finally let go. Sa case sa imong anak, maayo kay siya mismo, mauwaw na. Dako na man gud.  Maningkamot g’yud na siya makatulog without it.- DJ Jacky G

Kun gusto ka’ng ma-feature sa DDJJG, i-like akong FB fanpage ug i-private message imong problema sa:  www.facebook.com/djjackyg  and follow me on IG:  www.instagram.com/djjackyg  Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!