Puasa

“Hayy kanimo, Mariano! Kagrabe ba nimong nakahabhab anang dagkong hiwa sa humba, uy! Pagpuasa tawon, Mariano! Ania na ta’s kuwaresma ug nagsingabot na ang mga adlaw sa Semana Santa...!”

“Sus, unsaon nga hidlawon man gyud ko’g humba, Mayling. Paborito man gyud nako ning maong putahe! Di ko kaagwanta sa puasa, uy...!”

“Wa gyud kay nada, Mariano! Misupak gihapon ka’s kasugoan sa Ginoo nga atol sa pagsugod sa kuwaresma ug hangtud na sa Biyernes Santo, likayan gyud nato ang pagkaon og karne, ilabi na sa karneng baboy....!”

“Nasayod na bitaw kang daan, Mayling, nga magluya gyud ko, kun dili makatilaw og sud-ang karne, ilabi na ning humba nga ampay ko....!”

“Pagkalamian baya nimong tan-awon, Mariano, nga nagkaon, uy! Nagkinamot ka og gikumot man lang nimo ang tulo ka hiwang humba nga giparesan og duha ka babhir nga kan-ong mais...!” “Mao nga sori lang gyud kaayo, Mayling, nga nakasupak gyud ko sa giingon mong puasa...!” “Maoy nay naka-apan nimo, Mariano. Aktibo kaayo kang sakop sa relihiyusong kapunongan ug maayo kaayong mopaambit ngadto sa uban, bahin sa puasa. Apan maayo man lang diay ka sa pulong apan wala sa buhat!”

“Sabta lang gyud ko, Mayling! Makalapas gyud ko sa kasugoan sa atong Ginoo nga magpuasa. Unsaon nga ampay man gyud nako ang humba! Mawad-an ko’g kapiskay sa lawas kun di ko makakaon og humba nga maoy maghatag nako’g enerhiya sa kinabuhi...!”

“Sus, mag-ayo gyud kang tawhana ka nga atakehon ka’s hayblad!”

“Hay sab kanimo, Mayling, sayod bitaw ka nga ang humba maoy naghatag nako’g resistensiya sa lawas. Nakapataas nakog’ hangin sa inadlaw nakong gimbuhaton, ilabi na diha kanimo...!”

“Ese, kahambog baya nimo, Mariano! Humba kaayo kag dagway! Nangita gyud og katarungan kay dili gyud makatuman sa puasa...!”

“Naunsa ka ba diha, Mariano! Sige bayag pananday! Mangatulog na ta, uy kay lawom na ang gabii. Biyernes Santo na ra ba ugma! Puyo gani diha! Kalihokan ba nianang imong kamot nga sige’g panghinol! Gilokkkk....!”

“Hibawo bitaw ka, Mayling, nga di gyud ko makapuasa, nga magpangita gyud ko’s humba....!”

“Gidaman man ka, Mariano, uy! Humba gud tatot! Tulog na ta, uy! U-unsa ka ba! A-ayaw’g hushosa ang laklak kong panti....!”

“Shh, patara lang gud, Mayling! Tilawan na sab nako ning gabhiona ang espisyal mong humba....!” “Marusep! Gihubo baya nimo ang imong purol ug laklak nga brip!”

“Humba mo ang tuyo ko, Mayling....!”

“Puasa ta, Mariano, uy....! Mar....! Marrrr...!”

“Mayling....! Linnnnng....!” (Kataposan)