After one month

Dear Tita Salie,

Have  a wonderful day. Just call me Maricel an avid fan of Banat News  kay makalingaw kaayo ang mga sulod niini. Ug daghan pa gyud kaayo ko og makat-onan sa imong column ang pasabta.

Ang akong problema mahitungod kini sa akong kaugalingon ug sa akong gipamati karon sa akong lawas. Kay sa pagkakaron maglisod ko og pangihi, Tita, tungod kay mosakit man ang akong flower inig pangihi nako ug magputol-putol pa gyud ang akong ihi.

Aron imong masabtan kun nganong naingon ko niini. Duna koy boyfriend karon, Tita, ug mag-sex mi usahay. Nagsugod kining akong gibati one month na after sa among unang contact. Dihang wala pa mi mag-contact wala koy gibati. Natakdan kaha ko sa akong uyab Tita. Apan nganong one month pa man after ang resulta?

Naglibog gyud ko kun unsay akong buhaton. Palihug pasabta ko. Thank you.

* * *

Dearest Maricel,

Dako usab ang akong pagtuo nga gikan gyud sa imong uyab ang maong sakit  nga anaa kanimo karon. Ug ang maong sakit dili kana mogawas dayon kun matakdan ka niini. Yes, it is possible nga after one month pa ang manifestation sa maong sakit. Ug dako kaayo ang possibility nga duna kay infection.

Mas maayo gyud nimo buhaton nga undangon na ninyo ang maong buhat. Tingali ang imong uyab nigamit usab og laing babaye  ug didto niya makuha ang maong virus ug nabalhin na usab kanimo sa inyong pag-contact. Ikaw gyud ang makaluluoy niini kun dili ka moundang, dako usab kaayo ang posibilidad nga mabuntis ka. So, bisan asang anggula nato tan-awon dihado gyud kaayo ka.

Ayaw usab dugaya, kinahanglan nga magpakonsulta ka sa doktor aron madali ang medication nga dapat nimo i-take aron dili makadugay ang kagaw ug matambalan dayon ang infection. Pakigkita gyud og doktor kay dili maayo kun mag self-medication ka, kay ang mga doktor man ang labaw nga nasayod kun unsang tambala ang gikinahanglan sa imong sakit.  -- Tita Salie