“Unsay problema? Mora man og lawom kaayo imong gihunahuna?†ni Wally ngadto’s iyang suod nga higala nga si Zaldy. Kauban silang magtutudlo sa Bughan National High School. Nag-abot sila sulod sa canteen sa eskuylahan ning alas tres sa hapon, coffee break nilang mga magtutudlo. Nanghupaw si Zaldy nga layo kaayo’g panglantaw. Nag-snacks lang siya’g biskwit ug kape. Unya si Wally nagdalag soft drink og siopao nga nilingkod tupad sa higala.
“Mora’g kabiyaon kos akong asawa!†pintok nga tubag ni Zaldy.
“Ayaw gyud og dalidali anang imong hukom, pre. Ang kaminyuon di bastabasta nga talikdan lang kun dunay problema. Solbaron ang problema, Pats-apon†ni Wally. Niingkib sa siopao. “Di na tingali ni masulbad†ni Zaldy.
“Unsay dili? Nagpakitambag na mo sa inyong mga ginikanan?†ni Wally.
“Kinahanglan ba diay na?†ni Zaldy.
“Sa di pa ka mohukom nga way nay kasulbaran ang problema, kinahanglan nga mokonsulta una gyud mo og mga maggialamon. Way lain, ang atong mga ginikanan. Ugangan sa imong asawa. Ugangan sab nimo, mismo†ni Wally.
Nitungab sa soft drink. Si Zaldy nagkutawkutaw sa tasang may tunga pang kape, ginamit ang kutsarita.
Gisumbong niya iyang problema sa higala. Iyang kapikas, dako’g sweldo sa call center. Unya di motabang sa ilang mga gastohan. Iya rang suweldo sa pagkamaestro ang gisaligan. Ang kita sa iyang asawa, puro lang sa panghindik. Mahalon kaayo’g mga gamit. Unya iyang asawa adik sa facebook. Nasakpan niyang nakig-chat sa ex-boyfriend nga kasamtangang napriso kay dunay kaso nga double murder. Nagselos siya. Dihang gikonprontar niya ang asawa, nitubag sab nga mibawos lang siya sa bana. Kay nakig-chat sab si Zaldy og maanyag nga teksmate o tekspal. Duha na ilang anak. Puro babaye. Si Fe grade one. Si Lira, dos anyos pa.
“Puro tingali mo sad-an o may diperensiya sa inyong relasyon. Apan ang panagbulag dili solusyon†ni Wally.
“Mao ba?†ni Zaldy.
“Mao kaayo. Kay karong panahona, si Satanas dili na rugged o sungayan og hitsura†ni Wally.
“Unsa na man diay iyang hitsura karon?†ni Zaldy.
“Well-dressed na siya. Desente kaayo og hitsura. Naghulat lang siya kun dunay broken marriage. Unya inyong mga anak dayon ang iyang mabiktima†ni Wally. Napatiurok si Zaldy. Gipangga niya iyang mga anak. Di siya gusto nga masugamak sa kadaut iyang mga anak.
“Unsa may maayo nakong buhaton?†ni Zaldy. “Primero, usbon ninyo inyong kinaiya. Kinahanglan inyong batasan, responsable nga bana’g asawa na mo. Dili na mo ulitawo ug daga. Unya pag-meeting mong duha atubangan sa inyong mga ugangan. Hisguti inyong problema sa ilang atubangan. Unya paminaw mo sa ilang itambag. Kay sila ang eksperto sa kaminyoon†ni Wally. Nakaginhawa og luag si Zaldy.
“Salamat, pre. Tinuod gyud ka nga best friend, nakoâ€ni Zaldy. Nipahiyom. Niagbay sa higala.
“Way sapayan, Pre†ni Wally. Nagdungan sila’g tindog. Nanggawas sa canteen.
Hayag na ang panglantaw ni Zaldy. Buhaton niya ang gisugyot sa iyang higala. Sa obserbasyon ni Zaldy, usa ka solundon nga bana ug amahan si Wally. Iya sang kopyahon ang mga maayong hiyas sa higala. (Kataposan)