Dear Tita Salie,
Have a wonderful day. Just call me Ms. Confused. Pa-advice lang unta ko nimo, Tita, about sa ako problem sa akong lovelife. Naglibog na gyod ko pag-ayo niini ug nagkinahanglan gyod ko sa imong power.
Ani man gud ni, Tita, naa koy boyfriend sa una. 1 year kapin ang among relasyon apan nagkabulag mi. Unya paglabay sa pila ka semana duna koy nakaila nga laing lalaki. Buotan kaayo siya, Tita, ug medyo seryosohon. Nanguyab siya kanako, ug tungod lagi kay buotan man siya og kasaligan ako siyang gisugot.
Apan ang akong ex gusto man usab makig-balik kanako ug dihang ako siyang gisultihan nga duna na koy uyab nasuko siya ug iya kong gipapili. Siya ug ang akong present nga uyab. Of course, love kaayo ko sa akong present nga uyab busa wala nako siya pilia. Maayo na lang kay wala na siya mosamok kanamo ug iyang gidawat ang akong hukom. Apan anaa lang gihapon siya.
Lately lang, Tita Salie. Akong na-feel na morag mas love nako ang akong ex, ug mas malipayon ko uban kaniya. Ako mang ma-compare ang love nako sa una ug karon, mas happy man ko uban sa akong ex, Tita. Naglibog gyod ko kun unsaon nako kini karon. Pero love kaayo ko sa akong present boyfriend. Pero ang akong ex gusto kaayo nga makigbalik kanako. Unsa may akong buhaton? Palihog pasabta ko. Thank you so much and more power. -- Ms. Confused
* * *
Dear Ms. Confused,
Walay tawo nga dili gusto malipay, kitang tanan sa tanan natong gustong buhaton mao gyoy atong gilantaw nga kita magmalipayon. Walay tawonga mobuhat og usa ka butang tungod kay gusto niyang maguol. Ug gihatagan kita sa Diyos og saktong panghunahuna aron atong mahibaw-an kun unsay ikalipay kanato.
Busa sa imong sitwasyon karon imo nang nakita kun unsay makalipay kanimo. Nasayod kana kun hain kanilang duha ang imong ganahan. Ug anaa kanimo ang imong katungod sa pagpili kun kinsay imong higugmaon. Hunahunaa pag-ayo kun hain kang dapita magmalipayon.
Sunda kun kinsay gipitik sa imong kasingkasing. Tinuod nga sayang ang gugma sa imong present boyfriend kay love kaayo ka apan mag-unsa man ang inyong love kun dili nimo siya feel. Unsa may mahitabo unya sa inyong relasyon kun lahi ang gipangita sa imong dughan?
Busa pakig-estoryahe ang imong present boyfriend kabahin sa imong feeling. Pero make sure nga the best na gyod ang imong napili aron walay regret sa kauwahian. Meaning gamita usab ang imong isipan sa imong pagpili kun kinsa kanilang duha. Ayaw pasagdi ang imong kasingkasing nga mao ray motan-aw sa tanan. -- Tita Salie