Gula 125
“Okey ra man ko,” kaswal nga tubag ni Angeline.
“I’ve heard nga mag-on na man kuno mo ni Robert? Usisa ni Almina. “How true?”
“Yes,” ni Angeline pa. “Tinuod ang imong nabalitaan.”
Si Erik igo lang naminaw sa panagsulti nila ni Angeline ug Almina.
“Good luck sa inyong relasyon,” ni Almina pa. “Ug ingna siya nga get well soon. Gikan namo ni Erik.”
“Sure,” matud ni Angeline. “Ingnon nako siya.”
Paglabay sa lima ka adlaw nakagawas na si Robert sa tambalanan. Ug pagkasunod semana mibalik nag tungha ang ulitawo bisan may bendahe pa ang iyang ulo ug bukton. Paspas ang iyang recovery.
Nadakpan na sab ang driver sa sakyanan nga maoy nakadasmag niya ug kini ang mibayad sa tanang balayranan sa pagpatambal ni Robert.
“Unsay plano mo sa driver nga nakabangga nimo?” Sukit ni Angeline usa niana ka higayon nga nagkasulti sila si Robert sulod sa library,
“Di na lang ko mokiha,” ni Robert. “Naluoy sab ko sa maong driver. Akong nasayran nga lisod ang iyang kahimtang. Daghan siya’g mga anak.” -- Sumpayan pa