Gula 28
Sa hilom nag-alindasay si Angeline. Matag karon ug unya mopasiplat siya ngadto sa nahimutangan nila ni Erik ug Almina. Dihang naluto na ang gipalit nila nga barbeque, namiya dayon sila sa Sky Is The Limit. Didto sa ilang boarding house, nanihapon sila.
“Manuroy ta ron,” sugyot ni Vera samtang nagpadayon sila sa pagkaon.
“Asa man?” Pangutana ni Angeline.
“Adto sa grandstand.”
“Unsa may naa didto ron?”
“Coronation ron sa Miss Bohol 2012.”
Human sa panihapon, namiya dayon sila sa boarding house. Nagpahatod sila’g traysikol paingon ngadto sa grandstand. Sa ilang pag-abot, nagdasok na ang mga tawo bisan wala pa sugdi ang programa.
Ambot kun gisungog ba gyud si Angeline sa kahigayonan kay samtang nagpaabot sila si Vera nga kasugdan ang programa, nasigpatan man ni Angeline sila si Erik ug Almina nga misulod sa grandstand. Nag-holding hands pa ang duha. Naglain ang hunahuna ni Angeline sa iyang nakita. Maayo gani kay wala makakita sila si Erik ug Almina kaniya. -- Sumpayan pa