Gula 1
“Magbuwag na ta, Angeline,” makapakugang nga padayag ni Christopher usa ka higayon niana.
“U-unsa?” Nakalitan si Angeline sa gisulti ni Christopher.
“Mao kana’y nakab-ot kong hukom.”
“Apan unsa may hinungdan?”
“Gipul-an nako sa atong relasyon. Dili ko enjoy sa atong kahimtang kay ang tinuod wala ko mahigugma nimo. Nanguyab lang ko nimo kay nasayod kong nakagusto ka nako.”
“Salbahis! Misakay ka lang diay sa panahon.”
“Pasensiya na, Angeline. Pero mas maayong masayod ka sa tinuod. Ug sukad karon wa ka nay labot sa akong kinabuhi.”
Kahilakon si Angeline apan iya lang gipugngan. Gipahit niya ang iyang wait. Unya gibuhian niya ang kusog kaayo nga tamparos.
Namula ang nawong ni Christopher nga naigo sa iyang pagsagpa. Napiyong ni Christopher ang iyang mga mata. Dihang mibuka kini, hait kini’g tinan-awan ngadto sa dalaga. Nagpangusmo kini. -- Sumpayan pa