Naghilak nga Bituon

Gula 77

“Pero gikapoy na ko sa pagpakaaron-ingnon. Gipul-an na ko sa mga gimik ug intriga.”

“Then how about your career?”

“Bahala na. Sulayan ko ang pagpanimpalad sa showbiz nga wala’y loveteam.”

Wala makapugos si Joy Lorenzo kang Jackie.

Ang kamatayon sa loveteam nila ni Jackie ug Jerome naghatag kaniya’g kagawasan sa pagpakigrelasyon sa lalaking iyang gihigugma nga dili na kinahanglang magtago pa sila sa publiko.

Gidawat niya ang gugmang gihalad ni Cong. Julio Dechavez kaniya. Malipayon siya sa ilang relasyon. Ang real score tali kanila wala malilong sa publiko. Usa kini ka open book ngadto sa masa. Kanunay silang interbiyuhon sa taga media.

Apan nakita usab ni Jackie ang negatibong epekto sa pagkawagtang sa loveteam nila ni Jerome. Ang teleserye nga ilang gibidahan gitapos na lang sa dili tukmang panahon tungod kay wala na kini makakuha og taas nga ratings segun sa survey nga gihimo sa Nielsen Media Research-TV Diary. Sukad sa pagbuto sa balita nga gipamabdosan ni Jerome ang young actress nga si Charamaine Conde, mitidlom pag-ayo ang ratings sa teleserye nila ni Jackie. -- Sumpayan pa

Show comments