Tagna

Usa ka adlaw’ng Lunes, Mayo 16, niining tuiga miadto si Sonny sa opisina nga iyang gitrabahoan niadtong wala pa siya moretiro.

“Komusta ka man, Sonny,” matud ni Ed. “Maayo ba ang kinabuhi sa usa ka retirado?”

“Maayo man,” tubag ni Sonny.” Dili na ako magdalidali aron dili ma late. Apan gihidlaw ako sa akong trabaho kaniadto. Gimingaw usab ako sa akong mga kauban.”

“Sa tan-aw nako nimo, Sonny, sa imong postura sama ka sa adviser ni Presidente Barack Obama” pasiaw ni Ed.

“Layo kaayo kadtong Amerika. Dili man hinoon adviser ni Presidente Noynoy,” tubag ni Sonny. “Kining akong postura, pugong ni sa edad. Unsa kaha ang hitsura ko sa umalabot 20 ka tuig?

“Aw, sa akong opinyon, ikaw mahisama ni Justine Beiber,” matud ni Ed.

“Sa inilang singer nga batan-on man gyud ko nimo giparehas,” tubag ni Sonny.” Sama na hinoon ko niini ni Benjamin Button nga gidala nga papel ni Brad Pitt sa usa ka salida. Nga natawo nga tigulang ug nahimong bata.”

“Sa akong panlantaw, ikaw mahisama ni Mahatma Gandhi, niadtong natigulang na,” dugang ni Jesse.

“Sa akong panagna, ikaw mahisama kang Tomoji Tanabe, ang usa sa mga tawo nga labing taas og edad sa tibuok kalibutan.”

“Sa laktud nga pagkasulti, wa ta mahibalo kong maunsa kita o kanus-a matapos ang kalibutan. Walay tawo nga nakahibalo kong unsa ang atong dangatan. Bugtong ang Dios lamang ang nasayud,” matud ni Sonny. (Katapusan)