"Dong, ingna ang imong papa nga moadto ko sa dakbayan sa Sugbo kay motrabaho ako isip yaya," tugon ni Zeny sa iyang kamagulangang anak nga si Dodong.
"Ngano man Ma nga motrabaho ka man," matud sa iyang anak. "Kinsa man diay ang moatiman namo"?
"Si Lola ninyo ug gawas pa dagko na man mo. Misugot man si lola ninyo nga siya lang una ang moatiman kaninyo."
Misulod si Zeny sa pagkayaya sa anak sa kauban sa trabaho sa iyang amiga. Ang inahan sa bata atua sa gawas sa nasud nagtrabaho. Gibiyaan niya ang iyang duha ka anak. Ang iyang bana nga si Mario, taxi driver ug mouli lang kada katapusan sa bulan. Pailhon niya ang iyang bana nga makatrabaho pa siya.
Mitawag siya sa iyang kamagulangang anak pinaagi sa cellphone. Iyang nahibaloan nga ang iyang bana miuli niadtong Bag-ong Tuig apan wala na siya sa balay. Naglagot ang iyang bana ug gipanglabay ang sandwich bread nga iyang pinalit. Niadtong petsa uno sa Marso mipauli siya. Naghulat kaniya ang iyang bana.
"Pa, miabot na si mama," matud sa iyang anak. Misugat si Mario sa iyang asawa ug migakos.
"Pasayloa ko, Day. Magbag-o na ko sa akong kinabuhi. Mouli na ako dinhi sa ato sa Toledo matag Domingo.
"Basta baya ha. Ayaw na pod pangabit," Matud ni Zeny.
Wala na lamang si Zeny maglihok. Gipasagdan na lamang niya nga ang iyang bana nga migakos kaniya Og midigo kaniya og mga halok sa iyang aping, sa liog ug sa iyang mga ngabil. (Katapusan)