“Mahimo bang dili ka na magsamok nako, Gordon,” giingnan ni Xenia usa ka higayon niana nga nagkasulti sila atol sa iyang pagpangompra sa Carbon. “Wa kay makuha nako.”
“Nganong nagdumili ka man pagdawat sa akong gugma?” Sukit ni Gordon. “Andam kong mobiya sa akong pamilya basta imo kong sugton.”
“Dili mahitabong mopatol ko sa usa ka lalaking minyo.”
“Nga sa ato pa, kun wa pa koy kabilinggan sa kinabuhi, dako unta ko’g chance nga makaangkon sa imong gugma?”
“Dili sab kana mahitabo.”
“Nga-ngano man?”
“Tungod kay wa koy pagbati alang nimo.”
“Sakit man ka’g sinultihan.”
“I’m sorry. Pero mas maayong masayod ka sa tinuod. Busa kun mahimo, ayaw na ko’g samoka. Please.”
Apan gahi gyud og ulo si Gordon. Wala niini tumana ang gihangyo ni Xenia. Nagpadayon gayod kini sa pagpangulitawo kaniya.
Gisamokan na pag-ayo si Xenia sa gihimo ni Gordon mao nga gilikayan na niya ang lalaki. Dili siya gustong maoy mahimong hinungdan sa pagkaungkag sa pamilya ni Gordon.
Usa ka higayon niana, nagkakita sila si Xenia ug Valerie. Igsuon ni Valerie si Kendall. Nasayod si Valerie nga may relasyon sila si Kendall ug Xenia. -- Sumpayan pa