Dihang ingon sa gipul-an na ako sa pagsige niya’g samok-samok, gisugot na lang nako si Bonner.
Ang akong pagpakigrelasyon kang Bonner misangko sa intimate moments. Wala ko makabalibad dihang mihangyo siya nga magkita mi ug gidala ko niya sa usa ka mabugnaw’ng lawak. Didto gikatugyan ko kaniya ang akong pagka-babaye. Giangkon ko sa hingpit ni Bonner.
“This is insane, Bonner,” giingnan ko siya human sa among pagtagay sa lawasnong kalipay.
“Ayaw paghunahuna’g ingon, niana Belen,” matud ni Bonner. “Ang atong gihimo kabahin sa survival sa kinabuhi dinhi sa kalibotan.”
“U-unsay buot mong ipasabot?”
“Isip usa ka polis, na-take ko’g survival course. Usa sa gitudlo sa maong kurso mao ang shared bodily warmth.”
Wala na ko motingog. Pagkataudtaod, subli namong gisaw-an ang kalalim sa lawasnong panagtagbo.
Ug ang nahitabo namo ni Bonner nasubli sa daghang mga higayon.
Sa kadugayan, akong namatikdan nga may lain nang tumong si Bonner sa pagpakigrelasyon nako. Mangayo na siya’g kuwarta nako. Mora’g gusto na ko niyang hukhokan.
Gusto na unta nakong bugtoon ang relasyon namo ni Bonner apan wala siya mosugot. Iya hinuon kong gihulga. -- Sumpayan pa