Gula 53
Nakalitan ko sa paggakos ni Albert nako. Tungod sa akong kahikugang, wala dayon ko makalihok aron pagpakitag pagtutol sa iyang gibuhat. Unya gihagkan niya ang akong ngabil. Mipusnga ko kay giukoban man niya’g maayo ang akong ngabil ug gidaitlan sa pinadulot niyang halok.
Dihang nagunitan nako ang iyang suwang, akong gitukmod si Albert. Naukang ang iyang pag-ukob sa akong ngabil apan wala ko makabuhi gikan sa hugot kaayo niyang paggakos nako.
“Albert, unsa gud ni?” Giingnan ko siya. “Laina nimo, uy.”
“Pasayloa ko, Phoebe,” ni Albert pa. “Pero ikaw ray makatambal sa katugnaw nga akong gibati. Busa pasagdi ko.”
Ug gihagkan na usab niya ang akong ngabil. Buot kong moantihay apan gipugngan niya ang akong ulo maong nagkaakob gayod ang among mga ngabil. Ug mao na lamay akong naamgohan nga ingon sa nagkahinay ang akong pagtutol dihang nadutlan na ako sa sensasyon nga gipabatyag ni Albert kanako.
Mao na lamay akong naamgohan nga gipahigda nako ni Albert sa ibabaw sa kama. Misamot ang kainit sa iyang paghalok sa akong ngabil samtang ang iyang kamot nagmaneho sa pagpanangtang sa mga salimbong sa akong lawas. Dihang wala na koy sapot, mikiat ang iyang mga kamot sa pagpanghinol sa pribadong mga parte sa akong lawas samtang nagtinal-opay na ang among mga ngabil sa pinadulot nga hinagkanay.
Ambot og nganong taphaw ra man kaayo ang akong pagtutol sa gibuhat ni Albert? Kadali ra man kining napukan sa dihang mikuyanap na sa akong lawas ang kahinam nga namugna sa gihimo niyang pagana. Ug mao na lamay akong namatngonan nga hingpit na kong mipaundayon sa gibuhat ni Albert.
Paglabay sa mga gutling, nakigtigi na ko sa pagpakigpinarayganay ni Albert. Nabatyagan ko ang pagtaob sa kahinam sa tibuok kong kalawasan. Andam na ko sa bisan unsang mahitabo. Andam na ko sa bisan unsa nga gustong buhaton ni Albert kanako. Mitaob ug mihakop na sa tibuok kong lawas ang naghingapin nga kahinam. Dili na ko makasibog.
Dihang gusto nang angkonon sa hingpit ni Albert ang akong pagka babaye, nagpatara ko sa akong kaugalingon. Tuod man, wala gayod siya maglisod. Naangkon niya ang akong pagka-babaye sa dakong kasayon. Ug nalipay ko sa iyang gibuhat kay miabot man usab kanako ang naghingapin nga gana.
Human sa among kombate, mitimbakuwas ko pagbangon ug gisul-ob ang akong mga sapot. Unya wala koy tingog-tingog nga migawas sa lawak ni Albert. -- Sumpayan pa