Gula 133
Namatikdan ko nga ingon sa nahibulong si Davon nga mibalibad ko sa pagpakig-sex niya. Morag gibati niya ang kahisagmuyo. Unang higayon man god nga gibalibaran ko siya sa pagpakighilawas sukad sa among panag-live in. Maayo gani kay wala na lang sab siya mamugos.
Sa akong bahin, ingon sa wala sab ko makasabot sa akong kaugalingon nganong nakahimo ko pagbalibad sa gustong mahitabo ni Davon. Hangol man unta ko sa sex pero ingon sa wala ko ganahing makigpinarayganay niadtong tungora. Mora’g wala ko sa mood for love.
Mao man goy akong gihunahuna si Ferdinand niadtong higayona. Bisan unsaon nako’g paningkamot nga malaksi siya sa akong hunahuna apan dili gayod siya mawala sa akong kaisipan. Akong gisulayan paglab-as sa akong hunahuna ang nahitabo sa wala damha namong panaghimamat.
Guwapo si Ferdinand. Sakto sa barog. Kun kalitan siya’g tan-aw, susama siya’g panagway ni Graham Russell, ang composer ug usa sa mga bokalista sa Air Supply. Ang iyang pamayhon makadani gayod og babaye. Mora’g dili siya lisod higugmaon. Kusog siya’g sex appeal.
Mora’g na-crush ko ngadto kang Ferdinand! Nadani ko sa iyang kaambong. Nag-alindasay ang akong hunahuna sa pag-imagine sa daklit namong panagkita. Mao tingali hinungdan nga nawad-an kog gana sa pagpakig-sex kang Davon kay kondisyon man kaayo ang akong hunahuna sa paghanduraw kang Ferdinand! Mora’g nayabag ang akong hunahuna!
Si Davon ingon sab sa wala mahimutang. Namatikdan ko nga nag-alindasay siya sa akong tupad. Naglimbaglimbag siya. May mga higayon nga mobangon siya. Mopasopaso sa hawanan sa kuwarto. Unya mogawas sa lawak ug adto na sab mopasopaso sa sala. Mobalik na man sulod sa lawak ug mohigda. Naghiwasa sab siya’g maayo.
Nagtuo ko nga naingon siya niini tungod sa akong pagbalibad sa pagpakighilawas niya. Gusto gyud tingali siyang mosawsaw mao nga disappointed kaayo siya sa akong pagbalibad. Dili lang siya makahimo sa pagpadayag sa iyang kahisagmuyo ngari nako maong gipaagi na lang niya sa body language ang pagpahungaw sa iyang gibati.
Apan nianang pagkakaadlawon wala na ko makabalibad kang Davon dihang subli siyang nanguhit nako. Misanong na ko sa iyang awhag sa pagpakighilawas. Tungod kay hanas man siyang mopukaw sa akong sexual urge, natigayon gyud ang among panag-sex. Naka-score mi’g kaduha hangtod sa kabuntagon. -- Sumpayan pa