(Kining maong nobela gibase sa matuod nga kaagi ni Dinah).
Daw nakalitan pag-ayo si Padre Josh sa gibuhat ni Dinah. Ingon sa wala magdahom ang pari nga magpasabak si Dinah kaniya.
“U-unsay buot ipasabot niini, Din?” nakapangutana ang pari.
“Kita rang duha dinhi sa bay karon,” maguwang lang sa hagawhaw ang tingog ni Dinah. “Maong gituyo ko nga magsul-ob og mubo nga sinina.”
“U-unsa?”
“Mao kana, Padre. Prangkahan ta na lang ka. Type ko ikaw. And I want you to make love with me!”
Kalit lang giwakli ni Padre Josh si Dinah. Mitindog ang pari ug midali pagpaingon sa pultahan. Apan midali pag-agpas si Dinah kaniya.
“Asa ka?” Gigunitan ni Dinah ang pari.
“Mopauli na ko,” tubag ni Padre Josh. “Wa ko malipay sa atong panagkita karon. Wa ko makauyon sa imong gibuhat.”
“Ayaw una pagpauli kun di ka gustong maghimo ko’g daotan.”
“Unsay buot mong ipasabot?”
“Basta...! May buhaton kong makapaeskandalo natong duha kun di ka gyud magpapugong nako. Di pa ko gustong mopauli ka na.”
Naghinuktok sa makadiyot si Padre Josh. Napiyong niya ang iyang mga mata samtang gihilothilot niya ang iyang tampihak.
“Okey,” sa pari pa. “Di una ko mopauli. Magsulti ta’g maayo. Magklarohay ta aron di ta mangaimpiyerno.”
“Wa na tay angay pang klarohon, Padre,” matud ni Dinah. “Gisulti ko na kanimo ang gusto kong mahitabo.”
“Mianhi ko nga maayo’g tumong. I came here as a friend, not a lover.”
“I know. Ug mao nay akong gi-expect gikan nimo. Tungod kay the best sex is sex between two friends! -- Sumpayan pa