(Kining maong nobela gibase sa matuod nga kaagi ni Dinah).
Dihang mipaspas na si Rex nakasabot ang babaye nga nakaabot na sila sa point of no return. Mikumpayot siya’g maayo sa liog ni Rex. Dili siya buot mabiyaan sa ulitawo pag-abot sa finish line.
“Nindota gyud nimo, uy,” nakatuaw si Rex.
“Nabungol na ko anang mga pulonga,” tubag ni Dinah.
Aron mahingpit gyud ang ilang katagbawan, gisubli-subli nila ang pagtagay sa lawasnong kalipay. Gitilok nila ang mga gutlo sa ilang pagpinarayganay pagtagay sa dugos sa himaya nga ilang gisaw-an.
Kaadlawon nang mibiya si Rex sa gipuy-an ni Dinah.
Miabot ang adlaw’ng Biyernes. Si Padre Josh mipahigayon sa iyang labing unang misa sa barangay Pagatpat. Pagkahuman, gipauna lang niya’g pauli ang iyang sakristan ug ubang mga kaabag sa simbahan.
Mihapit siya sa barangay Bakhaw sakay sa iyang motorsiklo. Gituman niya ang iyang gisaad kang Dinah nga bisitahan niya kini sa balay nga giabangan niini sa pagpuyo sa barangay Bakhaw.
Dako kaayo’g ngisi si Dinah pagkakita kang Padre Josh nga nahiabot sa balay nga iyang giabangan. Bag-o pa sab nga nahiuli si Dinah gikan sa eskuylahan. Nagsunod lang sila’g abot si Padre Josh sa balay.
Sa hilom nahimuot si Dinah. Misantop sa iyang hunahuna nga sugdan na niya ang pag-seduce kang Padre Josh! -- Sumpayan pa