Nadine ug Yasmien, dili gihapon friends

Dili pa gihapon maayo ang relasyon nila ni Nadine Samonte ug Yasmien Kurdi, gani wala ni greet si Nadine ni Yasmien sa debut niini niadtong milabay nga adlaw tungod kay wala siya masayod ug wala usab siyay contact number sa mao niyang batchmate sa Starstruck kaniadto.

Samtang kung sila si LJ ug Alfred nag-problema sa oras, gibutyag ni Nadine nga going strong ang ilang relasyon ni Emerson Chua bisag pareho silang busy.

Matud niya ngadto sa PangMasa nga kanunay gyud silang mangita og panahon nga magkauban. Gani dunay mga higayon nga siya ug ang iyang mommy moadto sa balay ni Emerson aron magkadungan silag pamahaw, una pa modiretso sa tunghaan ang ulitawo ug siya usab sa iyang commitments.

Giangkon hinoon niya nga sa sinugdanan medyo supak ang daddy ni Emerson sa ilang relasyon sanglit pure Chinese kini, apan karon wala nay problema matud ni Nadine.

Kapin na sa duha ka tuig ang ilang relasyon apan wala pa silay plano unsaon pagsaulog ang Valentines Day tungod kay pareho silang busy.

Humana ang taping ni Nadine sa Bakekang, sanglit tangtangon naman ang iyang character tungod kay masgugod na ang "Super Twins" karong February 12, hulip sa Atlantika.

Karong Domingo magsugod na usab ang Magic Kamison.

Round two sa Juday-Ryan tandem

Human sa kalampusan sa "Kasal, Kasali, Kasalo" nga gikatahong mi-gross og kapin sa 100M sa nakalabay nga 2006 Metro Manila Film Festival, subling ibalik sa ABS-CBN ang tandem nila ni Ryan Agoncillo ug Judy Ann Santos sa grand finale sa month-long anniversary ang Valentine's presentation sa "Your Song".

Sa Feb. 25 pa makita ang mao nilang episode diin ang soundtrack mao ang "I Have To Say I Love You In a Song."

Pwes wala pa magsugod ang taping nila ni Juday ug Ryan tungod kay sila may katapusan nga makita sa tanang Valentine presentations sa nahisgutang show.

Scoliosis ni Gladys grabe na

Scoliosis ang gitumbok nga hinungdan ni Gladys Guevarra sa iyang pagretiro gikan sa Eat Bulaga. Kini maoy iyang gitin-aw atol sa presscon sa una niyang starring role, ang Magic Kamison, didto sa GMA-7 Compound, Miyerkules sa gabii.

"Malala na po ang scoliosis ko at kung hindi pa maaagapan, pwedeng maging slip disc. Ayoko po namang mabalda ako, ang bata-bata ko pa," tin-aw ni Gladys.

Mihilak si Glady's atol sa presscon ug pagkahuman niini, miangkon nga nakuywan siya sa mga pangutana nga gibato ngadto niya sanglit una kadtong higayon nga miatubang siya sa daghang reporters human siya miretiro gikan sa EB.

Subling giklaro ni Gladys nga wala gyuy basehan ang giingong relasyon nila ni Janno Gibbs nga matud pa maoy hinungdan nganong mibiya siya sa nahisgutang noontime show.

"Bago po ako nag-resign sa Eat Bulaga!, natanggap ko na itong Magic Kamison. Pero wala po itong kinalaman sa pagre-resign ko," tin-aw pa niya.

Giklaro ni Gladys nga gidawat niya ang Magic Kamison sanglit once a week lang ang taping niini.

Gibutyag niya nga migrabe na ang iyang scolliocis sanglit two years ago pa kini nga nahibaw-an apan iya lang gidala-dala.

Ug lagi kay mihilak man si Glady's sa maong presscon, mibiya una siya sa presidential table. Ug dihang mibalik na siya human am-ami, ang Senior VP for Entertainment na nga si Wilma Galvante ang midupa alang sa komedyante.

"In-offer namin kay Gladys ang Magic Kamison for one season. If it will do good, we will extend it. Pero wala kaming promise sa kanyang this will be forever. Ang promise lang namin sa kanya, wala itong harness na makaka-aggravate sa kanyang condition. At iyong nabasa ko rin na ayaw daw payagan ng Eat Bulaga! na gamitin namin ang pangalang Chuchay, walang katotohanan 'yon dahil si Gladys ang gumawa nun, pangalan 'yon ng kanyang pamangkin."