Alfred, rason sa pakig-break ni Miss Malaysia sa uyab?

Gipanghimakak sa maanyag nga si Ms. Malaysia Tourism 2003 Carrie Lee nga si Alfred Vargas ang rason nganong nakigbuwag siya sa iyang uyab.

Si Carrie, kinsa naila nga ramp ug commercial model sa Hong Kong ug TV host gawas sa iyang pagka-actress sa Malaysia miingon nga personal desisyon nilang duruha ang ilang panagbuwag ug walay labot si Alfred.

Matud ni Carrie dili makasabot ang iyang uyab sa iyang trabaho.

Ania karon sa nasud si Carrie alang sa taping niya sa dugang pa nilang mga eksena ni Alfred alang sa soap drama nga "Muli" sa GMA-7.

Gikomediyahan si Carrie sa "Star Talk" niadtong Sabado kung tinood bang si Alfred ang hinungdan sa pagpakigbuwag niya sa iyang uyab apan tubag niini nga dili sanglit nahimamat pa man gani ni Alfred ang iyang ex-bf dihang nag-taping sila sa Malaysia.

English speaking si Carrie hinungdan nga wala maglisod sa pag-communicate kaniya si Alfred.