Ang dugang tsika mao nga gikasuko ni Odette ang wala pagtagad ni Marian kaniya dihang miabot ang young actress sa set.
Pwes sa kalagot ni Odette gikasab-an niya ang young actress nga wala motingog.
"Ano, magsusumbong ka? Sige, magsumbong ka!" hagit matud pa ni Odette ngadto ni Marian.
Suma pa nga gibadlong na si Odette sa production staff apan balewala kini ngadto sa veteran actress. Nadugay-dugay pa una mihunong Si Odette sa iyang pagkasaba ni Marian.
Dunay miingon nga nanobra ra ang gibuhat ni Odette kun ugaling tinood nga wala siya tagda ni Marian. Suma pa sa mga himantayon nga mahimo ra man unta kun sultihan og tarong ni Odette si Marian inay mag-mugna pa siya og eksena sa set.
Suma pa sa finalists, nakita nila ang mga panghitabo sa Starstruck 3 ug busa ampo nila nga dili sila mapareho niadto nga labihan ka daghan ang mga "pasaway."
Wala sila mitug-an kinsay ilang mga crush apan kanunay mogawas nga crush sa mga boys sila si Stef, Jewel ug Kris, samtang si Paulo ra ang lahi sanglit si Cindy Kurleto ang iyang gusto.
Dihang gipangutana kinsa ang labing lig-on nga katigi nila, ang mga boys dali nga miingon nga si Aljur sanglit gawas nga maayo kini nga mosayaw makamao usab ni nga mokanta.
Sa mga girls, si Stef ang matud pa lig-on sanglit maayo ang performance niini sa mga challenges nila, busa isig paningkamot na lamang silang tanan.
Sugod karong Monday, January 15, ang "Kissflick" nga ubos sa direksyon ni Rico Gutierrez na ang ipakita ug kada adlaw, usa ka tandem ang i-feature.
Matud nila nga nag-workshop pa sila ni direk Gina Alajar ug komedya sa mga boys, himoon nilang babaye si Jesi, self-confessed lesbian pero guwapa. Dili na mga artista ang ilang makauban sa Kissflick kun dili ang masig ka finalist na ang ilang ma-partner.
Ugma puhon sa gabii sa live elimination sa GMA Broadway Studio, duha ang matagak, babaye ug lalaki, unya ipahibawo usab kinsay magka-love team sa "Kissflick."