Misaka ang kuba sanglit katapusan nga gitawag ang pambato sa Sugbu nga si Hazel Uy. Si Chad Burden, laing representante sa Sugbu wala buligi sa kahigayonan ug maoy natagak kauban si Lizzy nga taga Pampanga.
Una niini gihugyawan ang lakin-on nga si Jesi of Pasay tungod sa iyang dance number diin wala siyay arte-arte ug gani gidayeg siya sa usa sa mga jurors nga si Lorna Tolentino.
Wala usab magpalupig ang si Hazel sa ilang song number ingon man usab sila si Rich ug Chad sa ilang sayaw.
Dihang upat na lamang ang nahibilin, nakita nga naglingo-lingo nang daan si Chad, daw kumbinsido nga siya gayud maoy matagak sanglit ang iyang katigi mao ang Sam Milby look-alike nga si Dave of Manila.
Si Jewel of Bulacan gikasab-an na usab sa juror nga si direk Louie Ignacio sanglit matud pa sa naulahi, ang nahisgutan maoy labing maot og performance nga sawa og walay kinabuhi.
Ang naglangkub sa Final 14:
1. Prince of Ilo-ilo City
2. Stef of La Union
3. Mart of Cavite
4. Rich of Bohol
5. Jan of Laguna
6. Jewel of Bulacan
7. Dex of Manila
8. Kris of Quezon City
9. Paulo of Baguio
10. Renee of Davao
11. Aljur of Pampanga
12. Jesi of Pasay
13. Dave of Manila
14. Hazel of Cebu.