Miabot dinhi sa nasud si Sang Woo isip endorser sa The Face Shop sa Korea diin aduna kini 450 ka tindahan didto Korea ug 140 ka tindahan dinhi sa Pilipinas.
Ang maong tindahan nag-produce og skin, body ug hair care products diin aduna na usab kini sangang buhatan dinhi sa nasud.
Uban ni Sang Woo nga mianhi sa nasud ang mga executives sa maong produkto nga sila si Jung Woon Ho ug Coo Tom Kim diin lakip kini sa The Face Shop's 2006 Asia Tour dubbed isip "Christmas in Manila".
Sa gipahigayon presscon sa Manila-Shangri-la Hotel gitubag ni Sang Woo bisan og medyo personal ang mga pangutana diin si Sam O host/interpreter maoy unang na-shock sa mga pangutana.
Maayong pagkahan-ay ang maong presscon ug pagkahuman sa Q&A misunod ang pagkuhaay og hulagway.
Napili ni Sang Woo si Angel Locsin, Yasmien Kurdi ug Katrina Halili dihang gipangutana kini kung kinsa sa mga actress nga Pilipina ang iyang gusto.
Nakatawa si Sang Woo dihang gisultihan kini nga lain-laing actress ang naa sa hulagway nga gipakita kaniya.
Matud ni Sang Woo nga nagtuo siya nga usa lang kadto ka actress ug lain-lain lang ang posing.
Sigurado nga malipay si Yasmien tungod kay usa siya sa nagustohan ni Cholo ug paborito usab niya kini.
Makapatandog usab ang laing gibuhat ni Sang Woo tungod kay ang advocacy diay niya mao ang pagtabang sa mga kabus ilabi na sa mga bata.
Miabot niadtong petsa 17 niining buwana sa alas 9:40 sa buntag si Sang Woo ug human sa pagpaniudto niini miadto ang actor sa Baseco Compound sa Manila.
Sekreto ang pagbisita ni Sang Woo sa maong lugar gani wala kini mosakay sa limousine ug walay usab kini TV coverage.
Midonar og lima ka balay ug nanghatag siya og mga regalo sa mga bata nga nagpuyo didto.
Tulo ka oras nga mipundo sa nahisgutang lugar si Sang Woo ug mitabang pa kini sa pagpamintal sa usa ka row sa balay nga natukod na.