Ang dakong problema ni Vilma!

Gi-problema karon sa Star for All Seasons, Vilma Santos, kung modagan ba siya for 'higher' public office karon nga anaa na siya sa iyang last and third term pagka-Mayor sa Lipa City.

Gidasig karon si Ate Vi sa iyang mga constituents sa Batangas sa pagdagan isip Congressman sa ilang distrito. O, dili ba kaha pagka-governor sa Batangas. Para kaniya, kung siya ang pagbut-on, type niyang mag-concentrate una sa pag-artista. In fact, ready for New York na si Ate Vi karong Marso para sa ilang shooting ni John Lloyd Cruz.

* * *

More on Vilma, for her replacement isip Lipa Mayor, aduna'y mi-suggest sa iyaha nga ang iyang anak nga si Lucky Manzano. Apan matud pa ni Mayor Vi, bata pa kaayo si Lucky (25-anyos) aron magpapili isip mayor sa maong lungsod ug mosalmot sa politika.

Besides, matud pa ni Vilma, nga happy karon ang iyang anak isip usa ka showbiz personality.

Giangkon ni Mayor Vi nga dakong natabang si Senador Ralph Recto kaniya diin iyang nahimo ang iyang trabaho isip usa ka mayor.

Ang masulob-on nga Rita Avila

Dugay nagpaabot ang magtiayong Rita Avila ug Erick Reyes og usa ka anak, pero aduna'y laing plano ang Ginoo sa magtia-yon.

Wala pa madawat ni Rita ug Erick ang kamatayon sa ilang anak nga si Elian Jesu, ilabi na ni Rita, nga aduna'y hongihong nga mura'g "na-praning" tungod sa iyang nasinating miscarriage sa wala pa si Jesu.

Usa ka premature baby si Jesu ug matud pa nga wala nila nauli sa ilang kaugalingong balay kay kinahanglan man kining ibutang sa incubator.

Human sa pagtaliwan sa ilang baby, dali dayon kini nilang gipa-cremate sa miaging adlaw didto sa Christ The King Green Meadows. Namatay si Jesu niadtong Sabado sa gabi-i didto sa Medical City Hospital.

Daghan ang naguol sa kamatayon sa ilang anak tungod gusto sa magtiayon nga makabaton lang bisan og usa ka anak. Ikatulo, na ni nilang anak nga baby boy tungod kay kaduha nakuha-an si Rita sa dihang mabdos pa kini.

Silang Diether Ocampo, Kristine Hermosa, Raymart Santiago ug Claudine Barretto ang nakiduyog sa ilang kasagmoyo.

* * *

Wala gipadayon ni Mark Herras ang iyang pagbanguyab ni Nicole Anderson ug dili usab tinuod nga "on" na sila. Giangkon ni Mark nga ang ilang lifestyle maoy usa sa mga hinungdan kung nganong wala niya gipadayon ang pagpanguyab sa young actress. Very busy raw ang iyang trabaho samtang si Nicole busy usab sa iyang studies, iya usab nga na balita nga human sa iyang college, molarga kini sa US of A aron didto na manimuyo. Para nilang duha, dili isyu ang pobre ug dato, pero lahi daw ang dating ni Nicole. Giangkon usab nilang duha nga maglisod sila pag-adjust sa ilang mga schedule kay pareha man silang maglisod sa pag-adjust.