Ang Asya sa mga kamot ni Aryana

Ang panultihong 'stars are made, not born," maingon nga tinood kun ang puno sa talento nga si Aryana, labing bag-ong sakop sa nagkadako nga pamilya sa mga world-class performers sa Universal Records, ang hisgutan. Nahimugso sa talagsaong isla sa Guam, diin magsugod ang kasaysayan sa America. Sa pangidaron nga tres anyos, nagsugod na og kanta si Aryana. Dihang 10 anyos na siya, naha- diin-diin na siya og pasundayag sa mga nagkadaiyang komunidad ug social events. Busa dili na kahibudngan nganong siya maoy paborito sa tanan lakip na sa Filipino Community of Guam, ang umbrella organization sa tanang organisasyon sa nahisgutang U.S. territory.

Dihang midisisyon siya nga mobalhin sa California, giisip na si Aryana nga beterana ug wala magdugay nabihag niya ang pagbati sa usa ka kumidad sa maong dapit, gumikan sa kanindot sa iyang tingog. Giisip usab siya nga "gifted student" sa L.A.U.S.D. diin naka-kawhat siya og hugyaw nga roles sa mga produskyon sa unibersidad sama sa "The Circle of Life" ug "Singing In The Rain." Didto pa lang nakabaton na siya og CD diin duha sa iyang mga kanta ang gigamit sa TV hit series, "America's Next Top Model" nga gidumala ni Tyra Banks.

Sa iyang pagbalik sa Guam, misalmot siya sa nagkadaiyang mga bangga, diin nasulod siya sa "Guam's Shining Star Idol", ug migawas nga mananaug. Sukad niadto ginganlan na siya og "The Pride of Guam".

Sa usa ka pasundayag nila ni Jaya ug Jasmine Trias last year, si Aryana maoy front-act. Apan nakaplagan siya dihang guest performer siya sa show ni Jay-R lapas na sa tuig ang milabay didto sa Guam. Ang banggiitang choreographer ug manager ni Jay-R ug karon mao na usay nagdumala sa iyang career, Geleen Eugenio maoy midiskubre ug nag-aghat niya nga suwayan ang iyang swerte dinhi sa Pilipinas.

Sa milabay nga tuig si Aryana maoy gipadala sa nasud alang sa 8th Shanghai Music Festival diin siya maoy crowd favorite. Siya maoy migawas nga Silver (Second) Prize winner, ingon man siya maoy midaug sa Best Song award alang sa iyang mga composers, Vehnee Saturno and son.

Mga usa pa lang ka tuig sa industriya isip mainstay sa SOP mainstay, si Aryana maoy labing bag-o nga artist sa GMA network. Ang una niyang recording nga "Bop It", usa na ka certified platinum. Ang mao usab nga kanta maoy nakapadaug niya sa SOP Music Award's "Maximum Dance Blast" trophy.

Samtang nasayran nga sa milabay nga 8th Shanghai Music Festival, daghan ang mitanyag kaniya nga mga international record companies ug show performers. Nagkadaiya ang mga oportunidad alang kaniya ug ang nakapahinam kaniya og maayo mao ang posibilidad nga mag-record siya og album didto sa China, ug adto usab kini i-apod-apod. Kini kay duna diay dugong Chinese nga naglatay sa iyang kaugatan sanglit ang iyang amahan nga si Alex Dominador Bautista Lim, half Pinoy/half Chinese, kansang amahan naggikan sa Fujan. Interesado usab siya sa usa ka tanyag alang sa usa ka album nga adto himoon sa Japan, sanglit ang nahisgutang nasud maoy ikaduha sa labing dako nga merkado sa musika sa tibuok kalibutan.

"It would be nice to start in our own Asian region," pong pa ni Aryana. "To be released in Japan and China is already a big achievement. Music has no boundaries so I am going to work hard to be able to reach out to more of our Asian brothers."