Anne naglinya ang movie projects

Pangutana pa kon unsa ang unahon paghimo ni Anne Curtis nga pelikula sa dili pa mahuman karong tuiga. Nasayran sa PangMasa nga duha ka mga movie projects ang nagpaabot ni Anne, una mao ang wala pay titulo nga proyekto diin leading man niya si Aga Muhlach ug ang ikaduha mao ang "Cute ng Ina Ko" diin kauban niya si Ai ai delas Alas ug leading man usab ang iyang best friend nga si Luis Manzano.

Ang maong mga pelikula co-production venture sa Viva ug Star Cinema. Sa laing bahin gipangutana si Anne nganong wala man sila magkadayon ni Luis nga unta miabot naman sila sa punto nga angkonon na nila nga uyab na sila.

Matud ni Anne nga ang rason mao nga posibling napul-an na siya og uyab-uyab tungod kay as young as 17, boyfriend na niya si Oyo Boy Sotto, sunod si Richard Gutierrez, si Paolo Araneta ug gani karon pa-date-date na lamang sila ni Luis.

Nasayran nga duha usab diay ka buwan nga nag-away sila ni Luis, taas matud pa niya ang istorya apan ang importante mao nga okay na sila karon. Gipasabot ni Anne nga nadugay lamang ang ilang away gumikan kay milarga si Luis paingon sa Spain alang sa taping sa "Crazy for You."

Nasayran usab nga gumikan sa kadaghan niya og trabaho, duha ka semana nga nasakit si Anne hinungdan nga sa presscon sa bag-o niyang teleserye ang "Maging Sino Ka Man" nga pilot telecast na karong gabii sa ABS-CBN, pagaw ang iyang tingog.

DJ Mo napuno sa pagsaway

Si DJ Mo Twister pa gihapon ang gikontrahan karon sa entertainment press sa kauluhan gumikan kay matud pa wala kini batasan human niya tawga nga walay kredibilidad ang beterana nga kolumnista sa PangMasa nga si Manay Lolit Solis.

Ang maong pamahayag ni DJ Mo, mitumaw human miingon si Manay Lolit sa iyang kolum nga wala siya nagdahom nga anaa pa diay sa nasud ang DJ, ug wala pa kini makontrobersyal gumikan kay sa programa niini giingon gitawag ni Maui Taylor og bayot si Erik Santos.

Nasayran nga human ni Manay Lolit, ang mga hosts na usab sa The Buzz ang gitawag ni DJ Mo nga mga plastic ug tigpaka-aron ingnon. Pwes ang subling hirit ni Manay alang kang DJ Mo? "Hindi ko kilala si Mo.Basta ang alam ko, walang babae na tumagal sa pakikipagrelasyon sa kanya. At base sa kanyang karakter, siya ang tipo ng tao na nag-e-enjoy sa publicity, mapa-positive man o negative."

Matud ni Manay Lolit nga kon gitawag ni DJ Mo og mga tigpaka-aron ingnon ang mga hosts sa The Buzz, unsa may tawag sa DJ sa iyang kaugalingon mismo nga nagsigi og ingon nga wala nay plano nga mobalik sa showbiz apan nagsigi og sabong sa mga showbiz personality sa iyang program? "May nakarinig sa sinabi ni Mo sa radyo na "Lolit can kiss my slightly hairy butt." Nakita n'yo na kung gaano kabastos ang kakapirasong DJ na ito? Kung nagagawa niyang bastusin ang babae na katulad ko at baka halos kasing-edad na ng nanay niya, can afford din siya na mambastos ng lahat ng klase ng tao.