Ang mga himantayon sa kauluhan wala na mahibong sa gidangatan ni Kristine gumikan kay dayag man nga wala na siya'y project sa ABS-CBN karong panahona ug wala na usab siyay guestings.
Nasayran sa PangMasa nga dunay gihimo nga movie karon si Kristine ang "Huwag kang Lilingon" apan hangtod karon wala pay klaro kanus-a kini mahuman sanglit giuna ni Quark Henares ang "Super Noypi" tungod kay daghan kaayo og special effects.
Ang "Super Noypi" nga bituonan nila ni Mark Herras ug Jennylyn Mercado maoy official entry sa MAQ Production alang sa umaabot nga MMFF'06.
Dunay gikatakda nga teleserye alang kang Kristine ug Diether Ocampo apan dili pa kumpirmado madayon ba ang ilang taping didto sa Malaysia karong December tungod kay wala pa maghisgot pag-usab ang ABS-CBN management. - Gia Illustre Racal Meryll nananghid ni Willie
Nagpahibawo na diay si Meryll Soriano sa iyang amahan nga si Willie Revillame kalabot sa nahitabong kasal nila ni Bernard niadtong Biyernes didto sa San Juan City Hall.
Tsika sa PangMasa mao nga pipila ka adlaw sa wala pa ang kasal, nanawag si Meryll sa iyang amahan nga niadtong panahona didto pa sa Amerika.
Dugang tsika mao nga lakip ang inahan ni Meryll nga si Becbec Soriano nakahibawo na usab sa maong kasal kay nananghid ang iyang anak kaniya. Apan ang mga himantayon mihirit sa pag-ingon nga bisan og gipahibawo pa ni Meryll ang iyang amahan wala kini magpasabot nga miuyon na ang TV host sa nahitabong kasal sa iyang anak ug ni Bernard Palanca.
Ang kasal nga nabalita dinhi sa Banat Hugyaw niadtong Sabado nagkanayon nga bugtong mga partidos lamang ni Bernard ug mga suod nga higala ni Meryll ang misaksi sa adlaw sa iyang kaminyuon. Patrick bag-ong paborito?
Gihugonhugon pa kon i-apil pa ba si Patrick Garcia sa umaabot nga season sa Now and Forever presents Dangal sanglit kon kini maoy mahitabo, mutulo na ang show sa young star ubos sa Kapuso network.
Kini tungod kay ang tsika sa PangMasa mao nga apil usab si Patrick sa umaabot nga project nila ni Jolina Magdangal, Marvin Agustin ug Teri Onor.
Ang maong show dunay working title Hoo U?, nga gikatakdang isalida na karong October 1. Gawas niini, apil gihapon si Patrick sa Captain Barbell nga matud pa hangtud sa January 2007 pa ang pagpasalida.
Gihunahuna pa sa GMA-Artist Center kon idayon ba si Patrick sa Now and Forever, kon mahitabo kini, hayan mangabobho ang ilang homegrown talents.
Kahinumduman nga usa si Patrick sa mga talents nga identified kaayo sa ABS-CBN nga mitabok ngadto sa nataran sa GMA-7 pipila ka buwan na ang milabay human usab matud pa nila wala na sila tagda sa network nga maoy naghimugso sa ilang bitoon.