Hugyaw ang show

Hugyaw gayod ang among show didto sa Sitio Pangpang, Barangay Tapilon sa Daan Bantayan niadtong miaging Agosto 15. Sa hapon dunay basketball tournament nga giapilan sa Tres Metros nga sila si Arman "Ramil" Castro, Allan "George" Castro ug Fernan "Marlon" Noval inubanan nilang Pakol [unya na lang gyod ang tinuod niyang ngalan], Tsokolet, ug Hero Agbayani [nga may diperensiya sad sa lawas, kay way tudlo sa iyang mga kamot, pero walo ka tudlo ang matag tiil niya, [walo sa tuo, walo sad sa wala]. Ang ilang mga kontra mao ang mga kabayotan sa Tapilon nga ilang gihinganlan og Buaya Team.

Pero sa pagka gabii sa Variety Show, ang Buaya team, nagpakita usab sa ilang abilidad sa sayaw samtang misayaw usab ang Tres Metros ug si Hero Agbayani. Samtang nagpakita si Tsokolet sa iyang abilidad sa magic. Sila si Pakol ug Gardo [sa gikaingon ko na, unya na lang ang tinuod nilang ngalan], nagpakita sa ilang abilidad sa awit ug komedya, samtang sila si Cherry Halang, Junda Delima, June Philippe Tar, Wilnard Banzon, Enrico Borromeo ug Jun "Boyoyoy" Sarda, nagpakita sa ilang abilidad sa pagpakatawa pinaagi sa usa ka comical skit. Gipangulohan ang grupo ni direk Pepe Tariman kinsa mapasalamaton sa nagdapit kanila nga sila si Fanny Canete, Barangay Councilor Maui Luschie ug mga opisyales sa Sitio Pangpang nga mga nagdeboto ni Sr. San Roque.