Pagsulbong ni Matt

Wala man tuod siya midaog isip Pinoy Big Brother Teen Big Winner, apan miabot gihapon sa ganghaan ang Amboy nga si Matt Evans ang maayong kahigayonan. Gibato man tuod siya sa mga intriga pipila ka buwan diin matud pa usa siya sa mga " barandilya boys" sa palibot sa Araneta Coliseum apan ang komedyante ug puno sa kinabuhi nga batan-on daw mosulbong na paingon sa taas aron kab-oton ang masinag niya nga bitoon. Kini tungod kay siya maoy napili sa ABS-CBN Star Magic isip Pedro Penduko sa umaabot nga Komiks miniseries nga giuluhan og Da Adventures of Pedro Penduko.

Suma pa sa mga kadagkuan sa ABS-CBN ang maong proyekto maoy usa sa labing hugyaw o bongga nga production tungod kay sa labing unang higayon mahimo na nga miniseries ang Komiks, lahi sa naandan karon diin mahuman ra kini dayon. Kauban ni Matt alang sa maong hugyaw nga production ang mga lig-on nga mga artista sa puting tabil sama nila ni Ms. Gloria Romero ug Bembol Roco dinuyugan usab sa mga sumosubang nga bitoon nga sila si TJ Trinidad, Kitkat ug Deejay Durano. Aduna usay love triangle nga mahitabo kanila ni Melissa Ricks, PBB Teen Olyn Maimban ug Matt. Dungan niini dunay special participation sila si Albert Martinez ug Agot Isidro. Tulo ka buok ang director sa maong production sama nila ni Jerome Pobocan, Don Santos ug Trina Dayrit.

Base sa pasiunang mga detalye si Pedro usa ka bata nga nagtubo ubos sa pag-amoma sa iyang lola, talawan, kanunay nga kulatahon sa iyang mga classmates ug maayo kaayong mohimo og istorya bunga sa iyang imahinasyon. Nagdako siya nga wala makaila ug wala makakita sa iyang mga ginikanan tungod kay iya na lamang nasayran nga ang iyang amahan gidagit sa mga dautan nga engkanto busa nanganti siya nga luwason ang iyang tatay. Sa usa ka pagpamilok, kalit nga natinood ang tanan nga istorya nga sa sinugdanan bunga lamang sa iyang hunahuna.

"Ito po yung unang break ko na bida talaga. Exciting. Sobrang thankful po ako. Pero sa kabila ng lahat, may kaunting kaba kasi, parang, bakit ako? Nagulat nga po ako, kasi po, in-offer lang po sa akin ito ni Sir Deo (Endrinal). Noong nalaman ko pong Pedro Penduko, siyempre po, pumasok agad sa isip ko, Janno Gibbs, Ramon Zamora. Ngayon po, nagte-training na ako, para sa martial arts; nag-workshop na rin po ako ng acting. Siyempre po, inaaral ko rin po yung character, pero hinahaluan ko rin ng character ko,lalo na po yung pagiging makulit saka pasaway. Para po maiba naman," patin-aw ni Matt.

Mapasalamaton si Matt tungod kay matud pa niya labihan ka matinabangon sa iyang mga directors ug mga kauban nga beteranong artista ngadto sa sama niya nga bag-ong sulbong. " Sinasabi nila, ito yung emotion mo, ito yung dapat gawin mo. Medyo naninibago po ako noong una, pero ngayon, ma-okey-okey na. Malaking tulong rin po ang mga directors namin na sina Direk Jerome Pobocan, Dondon Santos at Trina Dayrit para tulungan ako. Malaking tulong po talaga sila para sa akin."

Giangkon usab niya nga sa sinugdanan nauwaw siya ni Melissa Ricks tungod kay sikat na ang naulahi apan sa dihang nag-workshop na siya nahimutang ra ang iyang buot ngadto sa dalagita. Samtang gipadayag ni Matt nga wala siya'y problema ni Olyn tungod kay sa Bahay ni Kuya pa lang suod na silang daan. "Kami naman po ni Olyn, doon pa lang sa bahay ni Big Brother, close na kami. Kaya wala na pong acting block sa amin. Nagku-kuwentuhan po kami minsan. Dati, naglalakad-lakad lang kami sa gilid ng ABS-CBN, ngayon hindi na pwede! Parang, eto na! Pagtapos ni Matt.