Mark Anthony balik action movie

Daghan karon ang nahimuot sa pagbalik ni Mark Anthony Fernandez sa pag-arte. Iya gayud nga gipamatud-an karon sa iyang salida uban kang Gov. Mark Lapid nga angayan ug maayo gihapon siya'ng moarte bisan tuod og pila na siya ka tuig nga wala naghimo og salida.

Si Mark Anthony nga nahinabi sa PangMasa, mitug-an nga nangandam gayud siya alang sa nahisgutan nga lilas sanglit mao kini ang iyang unang action movie human siya mibalik pag-artista niadtong Disyembre pinaagi sa Shake, Rattle and Roll.

"Mababait ang mga Lapid and I don't really mind kung mag-support ako kay Mark," pong pa ni Mark Anthony. "Ang importante is nag-enjoy ako working with them, maganda ang pakikitungo nila sa amin at maayos ang trabaho'ng pinakita ko sa kanila."

Nabantayan usab sa kadaghanan nga misamot gayud karon ka guwapo si Mark Anthony, busa dili kahibudngan kon daghan na usab ang mabuang sa iyang kaambongan. Apan pong pa ni Mark Anthony nga good boy na daw siya karon ug malipayon siya nga aduna siya'y maanyag ug mapinalanggaon nga asawa diin duha na ang ilang anak. "Tapos na tayo sa mga ginagawa nating hindi maganda noon. I'm a changed man and I intend to be that way for a long time," pong pa ni Mark Anthony. - Rhea A. Papas