Edad: Actually 30 something na ako
Birthday: August 10
Address: Guadalupe Cebu
Status: Divorce (as in separated for 6 years)
Favorite Food: Any. . .
Favorite Song/s: Hiphop, Rock, and New Age
Favorite Movie: Superman
Ed. Background: ECE-Graduate
Biggest Challenge: making RT no. 1
Hobbies: Cruising with bike, mountain biking, playing play station, reading the bible, rapping
Yamok-mok ug kanunay lang nagpahipi kaniadto sa kilid-kilid, nanganduy nga makabaton og haruhay nga kinabuhi.
Sa kahanginan karon naila siya isip Joelon d Hitman kondili siya usab si "Papa Joe" sa programang "Talk to Papa" diha sa usa ka labing pinaminaw nga FM station sa Kabisay-an ug Mindanao- ang 99.5 Rt "Nindota Ah!" Kaniadto sa bata pa siya pangandoy niya nga mamahimong bantogan isip artista ug mulugwa sa telebisyon. Sa pagligid sa mga katuigan wala man tinood maaninaw ang iyang dagway sa kadaghanan, malipayon gihapon siya sanglit nasakop man siya sa kalibutan sa kalingawan isip disc jockey o DJ.
Kon buot huna-hunaon wala damha ni Papa Joe nga muabot siya niining pagpanibya. Kini tungod kay kaniadto igo lang siya nga naalaan nga DJ tungod sa tibuok niyang tingog matag higayon nga mutubag siya sa telepono kon ugaling dunay manawag sa ilang panimalay. Gumikan niadto giugmad ug giamoma niya ang maong tingog nga maoy naghatod kaniya diha sa baba sa kabantogan. Kumbisido si Papa Joe nga nindot ang iyang tingog apan wala mamahimong sayon para kaniya ang tanan kay dili man kaayo siya maayo mo-english. Mapasalamaton siya nga nakabaton siya og half-american nga mga barkada kaniadto kay dako gayud sila og natabang kaniya aron mabansay siya sa international language. Nagtan-aw usab siya og utang kabubut-on sa mga DJ's nga nag-una niya sa duyan nga maoy nag-agak ug naggiya kaniadto.
Sa edad nga 18-anyos, nagsugod si Papa Joe isip trainee DYNC Y-101 diin nagpabilin siya sulod sa pipila ka buwan. Human niini nanimpad siya sa ngadto sa DYRT nga kaniadto gitawag pa nga Campus Radio. Duha ka tuig pa ang iyang gihuwat una siya hingpit nga nadawat sa nahisgutang estasyon. Alang kang Papa Joe milagro ang pagka-sulod niya sa RT hinungdan nga iyang gisaad sa Ginoo nga dili gayud mubiya sa maong estasyon, hinunua buhaton niya ang tanan aron ma-number one sila. Last year natudlo siya isip Program Director sa 99.5 RT Nindota ah!
Medyo yungit si Papa Joe hinungdan nga paraygon siyang paminawon kon mo-istorya. Inay negatibo ang epekto niini, misamot hinoon kadaghan ang ganahan maminaw niya diha sa kahanginan.
"Talk to Papa"- kini ang iyang programa nga gikabuangan na karon sa kinabag-an nga mabati matag ala una hangtod sa alas tres sa hapon diha sa 99.5 RT Nindota Ah! Ang maong mga pulong wala magpasabot og "father figure" kondili "Papaliscious". Sa maong programa daghan ang nangutana kung minyo na ba si Papa Joe, busa iyang gipadayag nga siya usa ka-amahan sa iyang duha ka mga gwapa ug sweet nga mga anak nga sila si Lab-lab ug Honey. Ang iyang kanhi asawa nga half-american nakigbuwag kaniya ug nagpakasal ngadto sa usa ka American citizen.
Nganong wala man siya mangita og babaye nga muhulip sa dapit nga gibiyaan sa inahan sa iyang mga anak? " Na-trauma pa sa gugma," daling tubag ni Papa Joe. " I don't care what people will say, like I don't care kung ang mga girls ma-discourage sila nako. I'm not here to promote my self, I'm here to promote the things that I want to do-like being a DJ, being an adviser, being an artist. But if the girls won't like me, bahala sila," pagtin-aw pa niya.
Layo na gayud ang naabot ni Papa Joe kay gawas sa pagka DJ, miyembro usab siya sa usa sa mga sikat nga Bisdak Republik ang WHAYUK. Apan bisan sa iyang pagka-sikat wala gihapon siya ma-usab. "With great power, comes great responsibility," pasabot niya, busa wala niya pasakaa sa iyang utok ang iyang estado karon. "If great popularity muabot sa imoha naa sad na sila'y mga great discrimination against you, so I don't allow it to get into my head, sometimes I don't wanna feel it," pagtapos pa niya.