Susan wala pa gihapoy imbitasyon

Nahinabi sa PangMasa si Susan Roces sa launching sa album ni Tita Midz (Armida Siguion-Reyna ) diin matud pa sa asawa ni Da King wala siya masayod kun unsay iyang tubag sa mga pangutana kun dawaton ba niya ang National Artist Award alang sa nagmalinawon na nga si Fernando Poe Jr.

"Siguro, maski ikaw, di ka dadalo sa isang gathering, unless invited ka," hamubong pama-hayag ni Susan.

Natandog og maayo si Susan sa dedication nga gisuwat ni Tita Midz sa album nga pinalit sa nahauna nga nagkanayon, "Susan, tawagan mo lang ako at kahit anong ginagawa ko, bibitawan ko."

Usa si Susan sa mga suod ni Tita Midz nga mitambong sa launching, ug ang tanan mipauli nga nagbitbit og kopya.

Lakip sa mga kanta sa maong album nga dunay titulo Babae Nga Pala, mao ang Ano Ba? (music by Juan Siles, Jr., and words by Levi Celerio), Galawgaw (words and music by Juan Siles, Jr.), Hahabol Habol (music by Cled Delfino with words by Ruben Vega), Hiram Na Ligaya (words and music by Constancio de Guzman), Ikaw Kasi (music by Juan Siles, Jr. and words by Levi Celerio), Iyong Iyo (words and music by Constanio de Guzman) and Waray-Waray (music by Juan Silos, Jr. and words by Levi Celerio.

Si Tita Midz mismo maoy nagplano sa maong album diin siya usab ang producer inabagan ni Mel Villena isip musical director and musical arranger. Ang Star Records maoy moapod-apod niini.

Leading lady ni Bayani, imported

Atangi karong gabii ang bag-o nga leading lady ni Bayani Agbayani sa ilang sitcom ni Aga Muhlach nga gibag-o na ang ulohan isip "Ok Fine Oh Yes."

Nasayran sa PangMasa nga ang ngalan niining bag-ong leading lady mao si Jacinta James, Australyana nga nagbakasyon lamang dinhi sa Pilipinas ug wala gayud unta magplano nga mag-artista.

Si Jacinta lumad nga taga Brisbane, Australia kinsa nagtrabaho didto isip PR coordinator.

Suma pa nga ang higala ni Jacinta nga Australyana ug commercial model maoy nakabantay sa panawagan sa ABS-CBN nga nagkinahanglan sila og langyaw nga himoong leading lady sa maong sitcom ug gikinahanglan usab nga dili makamao motinagalog.

Giingnan siya sa iyang higala nga sanglit ania naman gayud siya sa Pilipinas angayan nga pahimuslan na lamang niya ang higayon nga mo-audition.

Hangtud kanus-a ba siya dinhi sa Pilipinas?

"For as long as this sitcom needs me. I might even stay longer. Right now, I'd like to learn how to speak Tagalog," pong pa ni Jacinta.