Follow up human sa kadaugan

Kining article nga inyong gibasa karon,diri nako buhata sa opisina ni Sir Gerard Anthony Gonzales alyas Jonji Gonzales sa YG Gonzales and Partners diri sa Tojong Street, sa Lahug, dili tungod kay nibalhin na ko'g opisina apan tungod kay duna koy gikuhang tulisitation letter para sa seminar sa Batch 37 gikan sa Hunyo 1 ngadto na sa Hunyo 3 nga anha ipahigayon sa Echo Tech Center. Wa koy laing gi-hold ap, kay wa man ko'y madali dali'g hold ap, nga magpa hold ap ra sad dayon, bisa'g ginagmay, kay miigon man sad ang among elders (ang batch nga nauna namo, ang batch 35 ug kaming batch 36, maoy facilitator sa bag-ong batch nga batch 37), dili gyod balibaran bisa'g peso, kay wa man kono'y usa ka libo nga dili magsugod sa usa ka sentabo.

Pero wa pa ko moadto sa office ni Sir Gerard Anthony alyas Jonji, didto una ko's activity center sa Ayala, nitambong ko's KULUKABILDO.COM sa DYAB, diin, akong gitohoan nga duna koy maaning kaayohan alang sa mga local athletes nga maoy guests niadtong tungora, pero bisan lagi sila si Jonathan Guardo, Augustos Joy Young ug Atty. Estenzo, wa gyo'y mahimo aron magpadayon ang kalipay sa usa ka kampyon human sa usa ka championship. Nindot unta to, kon human sa championship, ang usa ka kampyon, hatagan sa gobyerno og lain pang panginabuhi, labi na sa usa ka champion sa usa ka bangga sa awit, nga human sa championship, may follow up unta nga concert alang sa champion, nga ipahigayon sa organizer sa contest, dili kay, inigkahuman sa contest, wa na, diha na lang kutob ug wa na gyo'y follow up nga kalihokan human sa kadaugan, og kinahanglan pa.

Nganong dili man makahangyo ang kagamhanan sa mga Cebu-based nga mga dagkong kompaniya, nga gamitong mga indorsers kining mga kampyon sa mga local nga mga bangga? Nganong kinahanglan pa mang maninguha pa ang kampyon nga moadto pa sa Manila aron moapil pa sa mas dagko nga mga bangga, aron mailhan ug mahimong indorsers sa mga Cebu-based nga mga dagkong kompaniya? Nganong kinahanglan pa mang mahimong Sheryn Regis ang usa ka singer nga midaog sa Metro Cebu Pop Music Festival, aron mahimong host sa usa ka show sa ABS-CBN, or, usa ka Cesar Montano, aron mahimong indorser sa Nature Spring,o kaha, usa ka, Vina Morales aron mahimong indorser sa Gillamac o sa SkyGo, or, kinahanglan pa gyong mahimong usa ka Manny Pacquiao, aron mahimong indorser sa M.Lhuillier?