Comedy queen Ai-ai minyo na

Human mabalita nga gikasal na si Snooky Serna ug Nino Mendoza, nagdahunog na usab ang taho karon didto sa kaulohan nga nagpakasal na usab sila si Ai-ai delas Alas ug ang uyab niini nga naila lang sa ngalan Wilfredo nga 22-anyos,

Ang taho nga nahipos sa PangMasa mao nga sekteto nga nagpakasal ang duruha niadtong milabay nga semana didto sa Calatagan Batangas diin ang mayor sa maong dapit maoy mipahigayon sa seremonya.

Dugang pa sa PangMasa nga dili gayud tantong sekreto ang maong kasal tungod kay daghang mga taga Batangas ang nakasaksi sa nahitabong kasal.

Miingon ang mga himantayon sa showbiz nga kon tinuod ang maong kasal dili na kini kahibudngan pa tungod kay dili kini imposible kon si Ai-ai ang hisgutan, gani nagpakasal man siya ngadto sa usa ka tomboy kaniadto.

Busa miingon nalang ang mga himantayon nga I-ampo na lang nga for better or for worse na gyud ang maong kasal.

Snooky dili mabdos

Samtang perteng pangayo og pasaylo ni Snooky Serna ngadto kang Christy Fermin tungod kay human sa ilang kasal, miingon siya nga posibling mabdos na siya tungod kay tulo na siya ka semana nga walay bisita.

Apan niadtong Domingo sa The Buzz, miingon si Snooky nga duna siyay bisita hinungdan nga false alarm diay ang gibalita ni Christy nga mabdos na ang bag-ong kasal nga si Mrs. Milagros Serna Mendoza.

"I'm sorry talaga, I did'nt mean to ruin your credibility, I really told you naman the manifestations ng pagiging pregnant ko, pero false alarm pala. Meron ako ngayon, sumobra lang siguro ang excitement ko, gusto ko lang sigurong magka-baby na kami ni Nino, kaya nagkuwento ako agad, pasabot ni Snooky.

Samtang hangtod sa hangtod ang gugma nga gihalad ni Nino ngadto kang Snooky, gani namulong pa kini nga, " I really would like to see myself in a rocking chair, holding hands with you growing old with you without losing the honeymoon stage."

Piolo Pascual gikasal na usab

Na-taped na ang kasal nila ni Adrian (Piolo Pascual) ug Nicole (Rica Peralejo) niadtong Martes didto sa Lourdes Church sa Tagaytay City alang sa soap opera nga "Sa Piling Mo" sa ABS-CBN.

Samtang si Paul Cabral usab ang mo-design ni Judy Ann Santos alang sa gikatakda niyang kasal ngadto kang Albert Martinez isip Catherine nga pangasaw-onon ni Venicio.

Wala motan-aw ang mga supporters sa Piolo-Juday loveteam sa taping didto sa Tagaytay tungod kay dili nila madawat nga gikasal ngadto sa lain ang ilang idolo bisan og sa telebisyon lang.