Leksyon sa mamalit og kinawat

Before anything else, dear readers, again, mag-remind ko sa tanang gustong moapil og Life In The Spirit Seminar, dunay Catholic In The Spirit Seminar, karong Hunyo 1 ngadto na sa Hunyo 3 ang community sa Oasis Of Love nga adto ipahigayon sa Echo Tech Center sa Lahug. Alang sa dugang kasayuran, mahimong mo-contact ni Tess Diez sa 910-7000471, o di ba ni Novo Bono sa 9173765370 o kaha, ni Jay Jabonero sa 9229705400. Mahimo sad nga moadto na lang sa CCTN sa eskina Cabantan ug Cardinal Rosales Avenue sa barangay Mabolo niining dakbayan. Labing seguro usa sa mga speakers sa maong seminar mao si Direk Emmanuel Borlaza kay duna man siya'y gihimong proyekto karon sa CCTN. Dako usab ang kahigayonan nga moanhi sila si Ricky Davao ug Christopher de Leon.

Tuod, mi-text na pod si Ricky Davao nako niadtong miaging Miyerkules sa gabii, gi-confirm niya ang iyang participation sa pelikulang "The Manny Pacquiao Story" apan dili ang role nga alang gyod unta kang Rudy Fernandez nga aging mentally ill boxer. Lahi kono ang iyang role. Gi-confirm usab niya ang iyang participation sa GMA-7 nga nag-ulohan og "Captain Barbel" apan miingon siya nga wa pa siya makapaneguro kon unsay iyang role, the same way nga wa pod siya'y seguro kon magdugay ba ang maong role. Gitataw niya nga walay problema sa ABS-CBN ang pag-apil niya sa "Captain Barbel" sa GMA-7 kay dili man siya under contract sa Kapamilya network, mora lang kono'g permanent talent siya sa maong estasyon. Wala siya'y gipirmahang contract, busa libre siya bisan asang network, ingon man movie outfit. Gani, gawas sa ABS-CBN ug sa Star Cinema, identified na usab si Ricky sa Unitel ug matag pelikula sa Unitel apil gyod siya sama niadtong labing uwahi nga mugna nga nag-ulohan og "Nasaan si Francis?"

Samtang dinhi sa Sugbo, dunay usa ka artista sa usa ka TV series nga gibawian og relo kay ang relo diay'ng iyang gisul-ob sa shooting kinawat ug iyang napalit sa usa ka kawatan. Apan ang tag-iya sa relo nga nakaila dayon sa iyang butang, taga didto sa dapit diin nag-shooting ang grupo sa maong TV series, busa, leksyon kini niadtong bisan kinsa nga kinahanglan makaila gyod sa ilang gipalitan sa butang nga ilang gipalit, ug kon mahimo, dili na lang gyod mamalit og kinawat. May tulobagon baya usab gihapon sa balaod ang mamalit base sa anti-fencing law, dili ba? Jake pabiling tak-om

Wala pa gihapon motingog si Jake Roxas kalabot sa pangangkon sa usa ka babaye sa S- Files niadtong Domingo nga siya maoy tinood nga inahan sa aktor, sanglit pong pa niini motan-aw una siya sa taped interview una siya mamahayag.

Pwes ang mga himantayon nagduda na hinoon nga tinood ang pangangkon sa maong babaye sanglit kay kong wala pa kini basehanan, diretso unta kini nga ilimod ni Jake.

Giingong nagtrabaho didto sa Cavite ang maong babaye isip maid ug bugtong pangaliya niini nga ilhon siya ni Jake isip inahan, ilabi na nga nagsingabot na ang Mother's Day.