PakigHugyaw uban ni AJ

Karong Marso 17, makita sa personal sa mga Sugbuanon si AJ Dee kinsa naila isip segment host sa The Buzz ug kanhi bida sa soap opera nga "Vietnam Rose" sa ABS-CBN. Si AJ maoy celebrity guest alang sa "A Million Thanks Family Car Promo" nga adto pagahimoon sa Balamban Sports Complex sa alas tres sa hapon ingon man diha sa Gaisano Country Mall sa alas otso sa gabii sa mao gihapon nga adlaw.

Ang presensya ni AJ usa lamang sa mga makalipay nga kalambuan sa Gaisano Main ug Countrymall sanglit gisugdan naman niadtong Marso 6 hangtod na sa 31 ang Graduation Blowout Instant Promo diin ang bulahang mga mananaug makadawat og dinner certificates good for 6 to 12 persons gikan sa Lighthouse Restaurant, A taste of Mandarin ug New White Gold House. Mokabat ngadto sa 44 ka mga bulahang customers ang dunay kahigayonan nga magpakadaug diin ang maong promo gigama agig pagduyog sa Sugbuanong pamilya nga dunay mga anak o kabanay nga mo-graduate karong buwana.

Gawas pa niana nagpadayon usab ang family car promo diin dunay kahigayonan nga magpakadaug og Susuki APV ingon man nagkadaiyang appliances.