Tungod niini daghan usab ang nangutana kon tsugi na ba ang guapo nga Ryan sa "Magandang Umaga Bayan" sanglit taud-taud na usab siya nga wala igkita sa maong show.
Kini taliwala sa mga pagsaway nga medyo nabiyaan si Ryan sanglit mas dako pa ang exposure ni Bayani Agbayani sa maong show diin nausik lang ang hosting skill sa nahisgutang uyab ni Judy Ann Santos.
Gani mas daghan pa og exposure si Bianca Gonzales kang Ryan nga kon buot huna-hunaon bag-o lang nakadawat og award si Ryan isip best male tv host.
Apan mga insiders sa dos naniguro nga mopirma si Ryan og laing kontrata apan sa pagkakaron nibakasyon una kini tungod kay busy man siya sa nakalabay nga tuig.
Kini taliwala usab sa mga hagawhaw nga sa higayon nga mapupos na ang kontrata ni Juday sa Kapamilya karong Hulyo molayat na siya paingon sa Kapuso network diin una niyang exposure didto mao ang Extra Challenge nga adto pa sa London i-shoot.
Matud pa nga sa paglayat unya ni Juday kuyogon niya syempre ang iyang uyab nga si Ryan.