John Wayne magbag-o na

Misaad si John Wayne Sace nga mag-bag-o na siya aron mahibalik ang kasuod nila ni Maja Salvador tungod ug alang usab sa ilang loveteam nga mao na karoy sugdan og pagpalambo sa dos.

Kini human mitumaw ang taho nga dili diay tinood nga nagkauyab na si Maja ug John Pratts sukwahi sa unang nanggawas tungod kay matud pa publicity ra kadto sa kampo ni John aron usab muhumot ang naulahi.

Tungod niini giingong gikalagot gyud ni Maja ang maong publicity slants hinungdan nga wala na kini makigtingog kang John ug matud pa si Camille ug ang mommy nalang sa mga Pratts ang iya karong gihigala.

Samtang nasayran nga badlongon diay si John Wayne Sace diin matud pa gikinahanglan pa niyang ulo-ulohan aron nindoton niya ang iyang acting kaniadto sa Spirits.

Niadtong Sabado giingong gisapot usab ang production staff sa Maalaala Mo Kaya tungod kay nitunga si John Wayne sa taping nga taas ang buhok inay ang gipangayo sa script clean cut ang gikinahanglan niya nga korte.

Hinoon miingon si John Wayne nga magtarong na gyud siya karon aron dili siya mauwawan ngadto kang Maja ingon man usab sa mga tawo nga nagtoo nga mahimo na siyang ipareha nila ni Nora Aunor, Dennis Trillo ug Piolo Pascual sanglit mga mata pa lang niya epektibo nang daan.