Ang maong pelikula gigama ubos sa Imus Production ug Reality Entertainment nga gipanag-iya sa pamilya ni Senator Bong Revilla ug maoy entry alang sa Metro Manila Film Festival karong buwana.
Suma pa ni direk Erik Matti angayan nga mokita og P200 million ang pelikula aron mabawi og makaginansya sa hingpit ang producers niini busa kinahanglan nga hingusgan ang publicity.
Hinuon nakahipos na daan og P12 million ang maong pelikula sanglit ang maong kantidad maoy gibayad sa film producer usab nga si Jack Lam aron masalida kini didto sa Hong Kong, Macau ug China.
Giingong inila nga producer si Lam sa nahisgutang mga dapit og kasagaran sa mga projects niini action movies diin suma pa nga gipalit niini ang rights sa Enchanted bisan og wala pa siya makakita sa mismong salida.
Apil sa nahisgutang pelikula syempre si Sen. Bong kuyog nila ni Aubrey Miles, Iya Villania ug dunay special participation si Paolo Bediones.