Giklaro niya nga dili tinood nga nagpuyo na sila but the truth is 'sleep over partners" silang duruha buot pasabot nga magdulog-dulog lang sila ni Troy depende sa gana.
Gitin-aw niya nga dunay mga higayon nga adto si Troy mopuyo sa ilang balay sulod sa tulo ka adlaw ug mobalik ra usab kini sa iyang gipuy-an aron si Aubrey na usab ang matulog didto.
Miingon si Aubrey nga maong gitawag og 'sleep over partners" sanglit ang mga basic nga mga gamit lang ang ilang dad-on sa higayon nga motapon sila sa tag-sa-tagsa nila ka mga balay.
Nagkanayon si Aubrey nga gituyo nila nga dili mag-live-in sa ingon magpabilin ang kahinam nila sa usag-usa sa panahon nga magpakasal na unya sila.
Matud ni Aubrey nga this year lang sila nagsugod sa maong arrangement.
Samtang giangkon ni Aubrey nga naglisod gyud siya sa iyang mga fight scenes sa pelikulang "Exodus-Tales of the Enchanted Kingdom" nga maoy entry sa Imus Production alang sa Metro Manila Film Festival.
Gani nikuha pa siya og Karate lessons aron dili siya maglisod,salamat nalang nga sporty siya nga pagkababaye sanglit mahilig man siya sa carting, boxing, rock and wall climbing busa medyo nigaan ang iyang lawas alang sa mga fight scenes.
Gumikan sa iyang experience niingon si Aubrey nga kon duna man ugaling part two ang maong movie dili siya magpanuko pagdala og balik sa iyang role gumikan kay pangandoy karon niya nga makahimo og sexy-action movie sama sa mga nagama ni Angelina Jolie.