Nag-taping na si Shaina niadtong Lunes as guest sa maong sitcom diin medyo nakalitan siya sa pag-amoma nga gidalit kaniya sa M-Zet productions diin wala gyud siya pagutmi.
Matud ni Shaina nga 6 pm niadtong Lunes ang call time niya og nahuman ang iyang taping sa 6 a.m na the following day apan wala gyud siya batia og kalaay.
Kini tungod kay matud pa niya giasikaso siya og maayo sa production staff nga matag karon ug unya mangayo og dispensa sanglit na delay sila og gamay tungod kay nag-advance taping ang maong sitcom.
Lakip si direk Bert De Leon matud ni Shaina nangayo usab og despensa kaniya dungan sa pag-ingon nga kon walay advance taping ang nahisgutang sitcom as early as tungang gabii mahuman na sila.
Gipangutana usab siya ni direk Bert kon unsa ang iyang mga shows sa Kapamilya network nga iyang gitubag nga makita siya matag Domingo via ASAP Fanatics.
Nangutana usab siya sa director kon ganahan ba siya nga makabaton og show ubos sa TAPE Incorporated ug M-Zet Productions diin gitubag ni Shaina nga okay ra niya as long as mutugot ang ABS-CBN.
Na-shock usab si Shaina sanglit wala pa gani siya masugdi og take ka duha na siya gihatdan og pagkaon-one was dinner ug ang laing usa during break time wala pay labot niini ang midnight snack nga gihatod pagka alas onse y medya.
Share sila og dressing room ni Cindy Kurleto diin gipalanog niya nga naikog siya sa naulahi sanglit dako kaayo siya og tingog dihang niabot si Camille Pratts ug Marco Alcaraz tungod kay pwerte nilang kinumustahay since taod taod na silang wala magkita.
Matud niya nga naikog siya kang Cindy tungod kay wala gyud kini mobadlong nila og nagpabilin lang kining nagpakahilom samtang gibasa ang script.