Kadungan niya pagsulod sa showbiz si Sunshine Dizon kaniadto diin usa siya sa gi-build up og maayo ni Mother Lily isip Regal Babies diin todo suporta gyud ang iyang mother studio.
Apan nahagba ang tanan nga mga plano alang kaniya og nihanap ang mahayag unta nga ugma sa puting tabing dihang nagminyo siya kang Benjie Paras sa edad nga 15 anyos.
The marriage didn't went well tungod kay nagkabuwag sila ni Benjie diin nawad-an na siya og bana susama ra usab og wala siyay anak sanglit giingon nga wala na niya makita pa ang duha niya ka mga anak nga gitago ni Benjie.
Karon nagsabak si Jackie courtesy of a non-showbiz boyfriend kinsa gikataho nga walay plano nga barugan ang nahitabo karon kaniya hinungdan nga gikatahong naglisod karon ang aktres financially.
Maoy hinungdan nga matud pa labihan na lang ang kaguol ni Jackie dihang napildi sila ni Joanne Quintas sa P2 million worth Extra Challenge Anniversary special sa GMA-7 nga bag-o palang gipahigayon sanglit ang maong salapi dako na unta og matabang sa iya karong nahiaguman nga kalisod.