Ang maong pelikula nga gibitoonan sa newcomer nga si Nathan Lopez with Cebuano model JR Valentin nalakip sa World Premiere Competition Section sa festival karong tuiga.
Dakong garbo sa mga Pilipinhon ang maong kalampusan sanglit ang naasoy nga pelikula maoy labing una nga Filipino feature film nga gidapit aron mosalmot sa maong festival nga gipasikat kaniadto sa Hollywood actor nga si Robert Redford.
Sa December 1 pa opisyal nga ipahibawo ang mga pelikula nga nalakip sa maong festival karong tuiga pinaagi sa usa ka seremonya nga ipahigayon didto sa Park City sa Utah.
Sa January 28 pa ang awards night diin ipasidungog ang Grand Jury Prize alang sa mga independent films sa World Cinema Section sa maong festival mapa drama man o documentary.
Ang "Pagdadalaga ni Maximo Oliveros" independent film nga gi-produce ni Raymond Lee ug i-distribute sugod karong November 30 pinaagi sa Star Cinema.
Gihatagan kini og High-A rating sa Cinema Evaluation Board samtang ang Movie Television Classification Board nihatag usab og PG-13 rating nga buot ipasabot mahimo kining tan-awon sa tibuok pamilya.
Una na kini nga mihakot og best picture awards sa duha ka managlahi nga film festivals nga bag-o pa lang gipahigayon didto sa Montreal ug Toronto Canada.