Si Carlene nga representante sa nasud alang sa Miss World Beauty Pageant nga adto ipahigayon sa Sanya China karong December 10 gipaabot nga makaangkon og luna sa duha ka mga slots nga gitagana alang sa mga naggikan sa Asia Pacific region.
Sulod na sa 54 ka tuig nga indigay unom na ka mga korona ang naangkon sa Asia Pacific region, lima niini mao ang mga representante sa nasud sa India ug ang usa naangkon sa Miss Guam.
Never pa nga nakadaog ang Pilipinas ug gipaabot nga karon na ang tukmang higayon aron maangkon sa nasud ang nahisgutang korona sanglit beterana ug lareno sa pinulongang ininsik si Carlene.
Sa website sa Global Beauties.com napanlantawan sa mga beauty experts nga higpit nga karibal ni Carlene gikan sa Asia Pacific region mao unya ang Miss China.
Possible alternates mao ang Miss India, Australia ug Malaysia dugang pa sa mga experto diin misamot kadako ang tsansa sa Pilipinas sanglit nabantog man nga "texting capital" sa tibook kalibutan og ang kahigayonan ni Carlene alang sa korona tigion sa text votes.
Labihan ka dako sa pressure nga masulod sa top five si Carlene sanglit ang nahaunang tulo ka mga representante sa nasud alang sa maong pageant sama nila ni Kate Manalo, Rafaela Yunon ug Karla Bautista pulos maayo og performance.
Si Karla kinsa garbo sa Sugbu last year maoy nakakuha og labing taas nga titulo sa tanang mga beauties from Asia sanglit she was declared Queen of Asia Oceania.
Samtang si Carlene gikatakda na nga molarga paingon sa China dala ang panghinaut nga siya usab buligan sa kahigayonan nga maangkon na sa hingpit ang korona nga mahimong first ever Filipina Miss World.