Mitabang lang ni Mon si Ynez

Dili pa dugay, nagdapit si Mon Confiado sa pipila ka mga sakop sa media alang sa pagbukas sa iyang sing along 22nd street diha sa General Maxilom (atbang sa Century 21) ug dunay nakamatikod nga diha kono si Ynez Veneracion, ang kanhi hinigugma ni Mon Confiado busa mihukom nga nagkabalik na sila si Mon ug Ynez, apan mipasabot si Ynez nga wa sila magkabalik ug tungod kay managhigala man kono sila gihapon, mitabang lang siya sa kanhi niyang hinigugma. Makita si Ynez sa umaabot nga pelikula "Mathew Mark Luke" ug matag hapon sa "Agos". Misulay usab siya sa theater og nakaapil sa "Private Parts". Dili pa lang usab dugay, nga nahiuli siya sa taodtaod nga show sa Guam.