Starstruck III, mas lisod, mas bongga

Daghan na ang kabag-ohan sa umaabot nga Starstruck reality based artista search batch three sa GMA-7 diin mas grabe na ang hinashasay nga mahitabo apan mas dako na ang premyo.

Sa Starstruck batches 1 and 2, 14 lang ka finalists ang gikuha pito ka babaye ug pito ka lalake nga maoy nagtigi aron mapili ang Ultimate Survivors nga boy and girl.

This time, 28 tanan ang makabaton og kahigayonan nga mosikat ug mamahimo nga artista. Katorse niini maggikan sa mega-Manila ug ang laing katorse maggikan sa kaprobinsyahan.

Katorse na usab ka lalake ug katorse ka babaye ang magbangga diin ang mga finalists sa mega-Manila ibangga batok sa mga naggikan sa nagkadaiyang probinsya aron mapili ang Starstruck fabulous four.

From there, pilion ang Ultimate pair meaning babaye o lalake nga modaog og more than P3 million worth of prizes, apan dili pa diri kutob ang tanan.

In the end usa ra nga mogawas nga mananaog, mababaye man o malalake ug siya maoy makaangkon sa titulo nga Starstruck Sole Survivor nga modawat og dugang premyo.

Sugdan na sunod buwan ang Starstruck batch 3 diin makita kini pito na ka adlaw sa usa ka semana sa Kapuso network.

Ang Starstruck mao ang nahimong tungtunganan paingon sa dalan sa kabantog sa mga naila na karong young stars nga sila si Mark Herras, Jennylyn Mercado, Yasmien Kurdi, Rainier Castillo, Ryza Cenon ug LJ Reyes.