Ang 16-anyos nga usa sa labing sikat nga miyembro sa sing and dance group nga Anime sa ABS-CBN maoy guest celebrity sa Gaisano main ug sa Country Mall alang sa nagpadayon nga 12-year anniverasry sa nahisgotang tindahan.
Si John nga dunay gitas-on nga 5'7 ug mestizo Amerikano nakapagubot gyud og maayo sa mga nanan-aw nga kadaghanan mga batan-on tungod sa iyang kamaayo mosayaw og manabi.
Gani gawas nga nagpunsisok ang mga tumatan-aw duna pa gyuy uban nga wala makontento og pagkahuman sa pasundayag nisundo pa gyud kang John ngadto sa lighthouse restaurant diin siya nanihapon.
Naproblema ang mokapin sa napu ka mga security escorts sa young star gumikan kay mokab-ot man gyud ang mga fans kang John ug ang uban nangahas pagbabag sa agianan aron magakos ang naulahi.
Makabungog ang kasaba diin ang mga fans nag-iyahay og pataas sa tingog aron makuha ang atensyon ni John gani ang uban kanila nipokpok pa gyud sa bildo nga bongbong sa lighthouse restaurant.
Dunay mokabat sa napu ka mga babaye nga tinun-an sa usa ka exclusive school nga nakapabor og didto sa nanihapon sa restaurant diin pagkahuman naglumbaanay og papicture og pagpapirma og autograph kang John.