Siya walay lain kundili si Raffi Quijano- ang SK chairman sa barangay Day-as ug kasamtangang vice president sa SK Federation sa dakbayan sa Sugbu.
Si Raffi nga dunay kutis porselana og sa samang higayon power belter apan hopeless romantic maoy latest recording artist sa Viva Records Corporation.
Nagsugod sa pagkanta sa linghod nga pangidaron nga tres anyos, it took 18 years aron matuman ang iyang pangandoy nga mahimong full-fledged recording star pinaagi sa iyang self-titled album nga Raffi Quijano-the debut cd-lite.
Lakip sa mga idolo ni Raffi mao silang Norah Jones, Lauran Posini, Christina Aguilera, Martin Nievera ug Gary Valenciano diin mas ganahan siya mo-awit og kabahin sa gugma.
Sa paglusad sa maong album dinhi sa Sugbu niadtong Huwebes didto sa Formo Bar sa Banilad town center, gipanghinaut ni Raffi nga magustuhan sa mga Sugbuanon ang iyang soulful renditions sa mga kantang "Heavenly Crazy", "I don't Want you go to", "Pangako Sayo" ug ang carrier single nga "Before You Say Goodbye".
Si Noel Kim Tangcalan , regional sales manager sa Viva nitug-an sa Banat Entertainment nga gituyo nila nga dinhi sa Sugbu ang album launching agig pagtamod sa lain na usab nga kadaugan sa Sugbuanon.
Si Raffi gipaabot nga musunod sa mga yapak sa karon giisip na nga mga music icons kinsa mga Sugbuanon sama nila ni Verni Varga, Pilita Corales ug Dulce.
Ang nahisgutang album sa labing uwahi nga garbo sa Sugbu mapalit na sa nagkadaiyang record bars lukop nasud.