Laing mga indie films ipasundayag
Ang ubang mga Indie films kon independent films nga gihimo sa digital cameras sama sa "Masahista" "Pepot Artista," "Timbang Lata," ug "Haystacks On Fire," ipasundayag na usab sa dili madugay. Gani, ang "Masahista," nga midaog dili pa dugay didto sa gawas sa nasud, gikatakda na nga ipasundayag sa nagkakalin laing mga sinehan dinhi sa dakbayan sa Sugbo apan sa dili pa, duna unay usa ka gala premiere nga ipahigayon diha sa New Cinema sa dalan Colon diin, ang mga artista sa maong pelikula sama ni Coco Martin (nagdala sa title role og nakabuntis ni Katherine Luna, kon inyo pang nahinumduman) moanhi gyod alang sa maong okasyon ug makighimamat usab sa mga piniling mga entertainment writers (take note, Ryan Mark ug Brenda Batuto, ayaw na lang si Nathalie Tomada, kay "clas" na siya). Ang "Pepot Artista," nga sugilanon sa usa ka 10 year old boy nga gustong mag-artista, midaog usab sa Cinemalaya digital films isip best picture. Gikatakda kining ipasundayag sa buwan sa Nobiyembre.