Mi-gate crush tungod lang ni Aga?

Tungod lang gyod ni Aga Muhlach, usa ka taga Sta. Mesa, Laguna nga ania karon sa dakbayan sa Sugbo tungod usab sa iyang negosyo nga personalidad calendar, mihangyo sa usa ka entertainment columnist nga pakuyogan siya sa press conference niadtong Biyernes nga didto ipahigayon sa Waterfront Hotel, Lahug, bisan kono'g dili lang siya pakan-on,kay bisan didto sa Manila, bisa'g kausa, wa gyod siya makaduol o maka shake hands ni Aga.

Si Aga gyod kono ang labing paborito niyang artista. Hinuon, tungod kay sama ni Rose Gaisano, maikog man gyod si Josie S. Pereyra nga dunay dili makakaon atol sa presscon kon makatambong, gipakaon na lang sad siya.

Sila si Pokwang, Aga ug John Lloyd Cruz mianhi sa Sugbo aron mag-promote sa movie nilang "Dubai." Wa makakuyog si Claudine kay dili na gyod kono mahimo sa iyang lawas tungod sa ka kapoy, kay nag-andam na sa kasal nila ni Raymart Santiago.