Ang mga balhibuon og dila sa kauluhan walay hunong sa pagratatat nga sweet na usab pagbalik ang concert king and queen sa usag-usa gani dihay higayon nga buntag nang nahiuli si Martin human kini nibisita sa kanhi balay ni Pops sa Alabang.
Suma pa nga si Martin karon maoy naniguro nga mabalik si Pops sa Kapamilya network human nabugnaw ang karera sa asawa sa dihang nibiya kini sa Abs-cbn ug nanimpad sa nataran sa Kapuso.
Nakabaton og shows si Pops sa GMA-7 sama sa "All Together Now" ug nasunod usab niya ang hosting stint ni Lani Misalucha nga "Celebrity Turns" apan daw nawad-an na sa karisma ang concert queen ngadto sa masa gumikan kay ang nahisgutang show wala man molungtad og dugay.
Nahimo usab siya nga host sa "Sing-Galing" kauban si John Lapuz isip hulip ni Ai-ai delas Alas sa ABC-5 apan wala usab kini magdugay sa hingpit.
Kahinumduman nga miduso og kasong annulment ang concert queen batok sa iyang kapikas sa kinabuhi pipila ka tuig na ang nilabay diin natanggong pa kini sa korte hangtud karon.